Śledčym adździełam papiaredniaha rasśledavańnia Leninskaha RUUS Minska zaviedziena sprava pa č. 2 art. 339 Kryminalnaha Kodeksa (złosnaje chulihanstva) u dačynieńni da troch žycharoŭ stalicy.
Dniami maładyja ludzi sapsavali rytuał pryjomu ŭ pijaniery ŭ staličnym mikrarajonie Łošyca la pomnika Nieviadomamu sałdatu na vulicy Syrakomli. Chłopcy źjavilisia pjanymi ŭ ziuziu, pavodzili siabie nachabna i zadzirliva.
Jany pryciahvali da siabie ŭvahu niecenzurnaj leksikaj i žestami na adras tych, chto sabraŭsia, adzin ź ich navat pačaŭ spraŭlać pilnicu prosta na vačach u dziaciej.
Piedahohi, što byli pobač, sprabavali zaklikać da sumleńnia chulihanaŭ, ale toje ŭ ich całkam adsutničała. U adkaz lacieła 35‑paviarchovaja łajanka i pahrozy.
Pjanych chulihanaŭ zatrymaŭ narad milicyi. Paśla taho jak krychu supakoilisia i praćvierazieli maładyja ludzi 22‑23‑ch hadoŭ tak i nie zmahli vyrazna rastłumačyć matyvy svaich učynkaŭ.
Paŭtarali tolki, što byli mocna pjanyja i ščyra raskajvajucca ŭ zroblenym.
0
0
0
0
0
0