28 krasavika ŭ Minsku ŭ Pałacy vieteranaŭ hrodzienski bard i aktor prezientuje novy albom «Ščaślivaja siamiorka». Pierad kancertam muzyka raskazaŭ pra novuju płytku, pra adroźnieńni pamiž staličnym słuchačom i hrodzienskim.
«Ja ŭsiaho tolki praśpiavaŭ pieśni»
«Da novaha albomu ja maju adnosnaje dačynieńnie — ja tolki napieŭ pieśni, usio astatniaje zrabiŭ Vital Supranovič z klehami», — śmiajecca Viktar. Nazvu alboma padkazała ahulnaja kolkaść paŭnafarmatnych albomaŭ u dyskahrafii śpievaka. A da namieru zapisać narešcie albom novych piesień Viktara padšturchnuŭ vypadkovy spadarožnik. U albom uvajšli pieśni «Takaja doŭhaja zima», «Pieśnia pra ženščynu», «Bałada pra Katmandu i Mandałaj», «Leta, jakoje my znoŭ zmarnavali», «Manałoh staroha internet-juziera», «Bałada pra Vałožyn», «Pieśnia pra Słavianski bazar». Dla maładych słuchačoŭ, jakija, mahčyma, zusim nieznajomyja z tvorčym darobkam barda z Hrodna, vydaŭcy praduhledzieli siurpryz u vyhladzie dadatkovych trekaŭ — niekatorych raniejšych piesień Šałkieviča. Siurpryzam stanie i toje, što na minski kancert bard pryviazie akardeanista Barysa Fadzina i skrypača Viačasłava Pańko.
Minčuki prosiać na «bis» tyja ž pieśni, što i hrodziency
U sakaviku kancert Šałkieviča ŭ Hrodnie prajšoŭ z anšłaham. Poŭnuju zału Viktar čakaje i 28 krasavika ŭ Minsku, «bo nie było jašče ŭ žyćci takoha vypadku, kab u stalicy my nie sabrali anšłah». Maja publika kaža śpiavak, heta najpierš intelihiencyja. I jon nie bačyć istotnych adroźnieńniaŭ pamiž minskim słuchačom i hrodzienskim. «Prajdziciesia pa damach našych vykładčykaŭ, navukoŭcaŭ, inžynieraŭ, kiraŭnikoŭ siaredniaha źviana — heta ŭsio maja publika. Vy pabačycie ŭ ich na palicach adny i tyja ž knihi, pačujecca tuju ž muzyku. I dumki ŭ hetych ludziej pryblizna adnolkavyja, kali ź imi razhavarycca».
