Siońnia časovy ŭrad Kyrhyzstana apublikavaŭ prajekt novaj kanstytucyi, pavodle jakoha kraina stanovicca parłamienckaj respublikaj.
Zhodna z prajektam, Žahorku kienieš — parłamient Kyrhyzstana — budzie abiracca terminam na 5 hadoŭ. Palityčnaja partyja, jakaja atrymała bolš za pałovu deputackich mandataŭ u parłamiencie, vyłučaje kandydata na pasadu premjer‑ministra, jaki pavinien ciaham 10 pracoŭnych dzion atrymać zhodu parłamienta na prapanavanuju im strukturu i skład urada. U vypadku niazhody parłamienta z prapanavanaj strukturaj i składam urada prezident farmuje ŭrad i abjaŭlaje daterminovyja vybary ŭ parłamient.
Pry hetym parłamient krainy moža być raspuščany tolki rašeńniem ab samarospusku, jakoje pavinna być pryniataje nie mienš čym dvuma tracinami hałasoŭ ad ahulnaj kolkaści narodnych vybrańnikaŭ. U hetym vypadku prezident pryznačaje daterminovyja vybary deputataŭ parłamienta.
Sam kiraŭnik dziaržavy abirajecca taksama na piać hadoŭ, pry hetym adzin i toj ža čałaviek nie moža być abrany prezidentam na dva terminy zapar.
U kanstytucyi paćvierdžana prychilnaść mety pabudovy svabodnaha i demakratyčnaj dziaržavy, zasnavanaj na pavazie i abaronie pravoŭ čałavieka.
Dziaržaŭnaj movaj Kyrhyzstana źjaŭlajecca kirhizskaja, a ŭ jakaści aficyjnaj movy ŭžyvajecca rasijskaja mova.
Usienarodnaje abmierkavańnie prajekta kanstytucyi praciahniecca da 14 maja. Refierendum pa pryniaćci Asnoŭnaha zakona płanujecca 27 červienia. Prezidenckija i parłamienckija vybary adbuducca 10 kastryčnika 2010h.