18 krasavika kandydata ad Biełaruskaj Chryścijanskaj Demakratyi z Babrujsku, karespandenta haziety «Babrujski kurjer» Jaŭhiena Vaśkoviča źbili milicynty na chakiejnym matčy.
Jaŭhien Vaśkovič, jaki bałatujecca ŭ Babrujski harsaviet ad BCHD, pryjšoŭ na chakiejny matč ZŠA‑Biełaruś i razharnuŭ bieł‑čyrvona‑bieły ściah. Prykładna praź siem chvilinaŭ da jaho padyšli milicyjanty, skrucili ruki i vyvieli z zali. Pakul ciahnuli, mocna bili pa nyrkach.
«Tak, kab nie było mahčyma potym źniać paboi, — raspaviadaje Jaŭhien. — Adnak začapili ŭsio ž abutkam pa nazie, tamu siońnia ja źbirajusia zdymać paboi».
Žurnalista adviali ŭ pastarunak, dzie biez paniatych abšukali i skłali pratakoł, zapisaŭšy, što Vaśkovič «parušaŭ hramadski paradak padčas matču, pieraškadžaŭ hramadzianam, bujaniŭ dy vykarystoŭvaŭ zabaronienuju simvoliku». Zatym pazvali ŭ jakaści paniatych dvuch dziaŭčynak, jakija nie čytajučy padpisali pratakoł. Noč kandydat ad BCHD pravioŭ u pastarunku. Na ranicu, u 11 hadzinaŭ adbyŭsia sud. Pakolki Vaśkovič paznačyŭ u pratakole, što nie bujaniŭ, sudździa prypyniła sudovy razhlad da taho času, «jak znojducca tyja hramadzianie, kamu jon pieraškadžaŭ hladzieć matč».
Paśla hetaha Jaŭhiena Vaśkoviča adpuścili. Ciapier jon składaje skarhu prakuroru horadu na dziejańni milicyjantaŭ.
