Vantroby z 1 husi, 2 morkvy, 1 piatruška, 1 sielderej, 1 parej, 1 cybula, 1—2 šklanki śmiatany, 4—5 hryboŭ, 1 šklanka jačnych krup, 1 łyžka masła, 2—3 łaŭrovych listy, niekalki ziarniat prostaha i anhlijskaha piercu, zielanina piatruški, kropu, sol.
Dla hałak: husinaja piačonka, bułka, masła, žaŭtok, jajka.
Zvaryć bulon z roznym kareńniem, pałažyć u jaho vantroby husi (akramia piačonki) i varyć jak zvyčajna. Asobna zvaryć jačnuju kašu na advary suchich hryboŭ, zapravić masłam, potym śmiatanaj i ŭvieści ŭ bulon z vantrobaŭ.
Husinuju piačonku drobna narezać, źmiašać ź ciortaj bułkaj, dadać trochi masła, žaŭtok, jajka, pieramiašać i z hetaha faršu vyrabić maleńkija hałački, zvaryć ich u supie.
Kali padasca, što sup niedastatkova kisły, možna dadać u jaho pravarany buračny rasoł.
Z knihi «Vialikalitoŭskaja (biełaruskaja) kucharka», vydała M. Stankievičycha ŭ Ńju‑Jorku (1959), padrychtavała NB