Skandał z dolščykami, jakija ŭkłali ŭłasnyja hrošy ŭ dom na skryžavańni vulic Prytyckaha i Łabanka ŭ Minsku, razhareŭsia jašče ŭletku 2009 hodu, kali vyjaviłasia niedarečnaja situacyja. U zabudoŭščyka, kampanii «Terabudinviest», znajšlisia jak amal 300 pryznanych dolščykaŭ, tak i bolš za 400 niepryznanych — heta ludzi, jakija składali damovy z
Pa padazreńni ŭ machlarstvie byŭ zatrymany adzin z suzasnavalnikaŭ «Terabudinviesta». A ŭ listapadzie aryšt nakłali i na rachunki zabudoŭščyka, i na sam abjekt. «Lehalnyja» dolščyki akazalisia ŭ niezajzdrosnym stanoviščy — jany nie parušyli nivodnaha zakona, zapłacili niemałyja hrošy, ale nie mahli pretendavać na kvatery, bo budoŭla spyniłasia. Praź miesiac aryšt abjekta byŭ źniaty, a budaŭnictva praciahnułasia, praŭda, zvyšmarudnymi tempami.
Tym nie mienš,
uźnikła prablema, što rabić bolš čym 400 padmanutym układčykam?Firma, u jakuju jany nieśli tysiačy dalaraŭ, abankruciłasia, adzin ź jaje kiraŭnikoŭ pamior, a druhi znachodziŭsia na lačeńni ŭ Navinkach. Z druhoha boku, ich mahła čakać adkaznaść za niezakonnyja finansavyja apieracyi — usio ž jany raspłačvalisia najaŭnaj valutaj.
Paciarpiełyja ŭtvaryli hramadskaje abjadnańnie «Padmanutyja
Kiraŭnictva horada prapanavała hramadskamu abjadnańniu ŭzhadnić śpis z 50 čałaviek dla budaŭnictva kvater u budavanym panelnym domie ŭ mikrarajonie Masiukoŭščyna pa košcie 2 520 000 rubloŭ za kvadratny mietr.Pieravaha musić addavacca tym, chto staić u čarzie na palapšeńnie žyllovych umoŭ i kamu terminova patrebna žyllo. Śpisy buduć uzhadniacca sa śledčym upraŭleńniem HUUS Minharvykankama.
Staličnyja ŭłady ŭdakładniajuć, što ŭ dalejšym «buduć prapanoŭvacca inšyja varyjanty vyrašeńnia kvaternaha pytańnia».
Zvyšvyhadnaja prapanova — budaŭnictva za $800 za mietr adšukać amal nierealna — abradavała «kinutych» dolščykaŭ, ale aburyła inšych ludziej.
Rašeńnie Minharvykankama nie stała sałamonavym.Mierkavańni ŭ internecie vahajucca ad skieptyčnych: «Drobiazi, što 50 sumlennych zakonapasłuchmianych siamiej atrymajuć svaje kvatery na hod paźniej…» — da rezkich: «Na jakoj padstavie im hetyja pryvilei, čym jany lepš za mianie?! Ja taksama staju na čarzie, i ja taksama chaču budavać kvateru za 2 500 000 rubloŭ.
Kali ŭ mianie ŭ hramadskim transparcie kašalok vykrali, dazvolcie mnie ciapier biaspłatna jeździć u mietro na tuju sumu, jakuju ŭ mianie vykrali.Stvaryć HA „Abličanyja“, „Vykradzienyja telefony“, „Pakryŭdžanyja DAI“ i hetak dalej i adstojvać svaje pravy».
