Žanočy dośvied u litaratury — dyskusijny prajekt

Tvorčaja prastora BYBOOKS, MHA «Zhurtavańnie biełarusaŭ śvietu «Baćkaŭščyna», HA «Sajuz biełaruskich piśmieńnikaŭ», vydavieckaja sieryja «Kniharnia «Naša Niva» pradstaŭlajuć dyskusijny prajekt «Žanočy dośvied u hramadctvie i litaratury»

«Žančyny vychodziać z‑pad kantrolu» (Kniharnia Naša niva, 2007) i «Pakachaj mianie, kali łaska» (Kniharnia piśmieńnika, 2009) — dva zborniki žanočaj prozy, padrychtavanyja niezaležnymi vydavieckimi inicyjatyvami.

Što budziem rabić:

Źbirajemsia trojčy ŭ kniharniŬhalerei (pr. Niezaležnaści, 37A) i razmaŭlajem pra toje, čym jość sučasnaja biełaruskaja žanočaja proza.

Zaŭsiody z nami — talenavityja aŭtarki, ŭdziačnyja čytačy, ćviarozyja krytyki i tyja, chto choča viedać, čamu moža navučyć svaich i čužych dziaciej žančyna, jakaja stvaraje litaraturu.

Jak heta budzie adbyvacca:

Pieršaja dyskusija prachodzić siarod litaraturnych krytykaŭ i litaraturaznaŭcaŭ. Havorym pra asablivaści žanočaha piśma jak takoha i biełaruskaha ŭ pryvatnaści.

Maderatary: Volha Hapiejeva i Iryna Hierasimovič

Dyskusanty: Barys Piatrovič, Iryna Sałamacina, Śviatłana Kaladka, Ihar Babkoŭ

U druhoj dyskusii ŭdzielničajuć aktyvistki žanočych ruchaŭ i samotnyja zmaharki za pravy žančyn. Adkazvajem na pytańnie: ci mianiaje hetaja litaratura sučasnuju biełaruskuju žančynu, a kali mianiaje, to ŭ jaki bok.

Maderatary: Alaksandra Dyńko i Jaŭhienija Ivanova.

Na treciuju dyskusiju pryjduć studenty‑inženiery, ‑psichołahi i miedyki. Havorym pra toje, ci cikava heta ŭsio čytać, i jak intares da takoj litaratury zaležyć ad prafiesii. Maderatar: Anatol Ivaščanka

Navošta ŭsio heta treba:

Kab zrazumieć, chto heta piša i chto heta čytaje. Kab daviedacca, ci jość niešta admietnaje u žanočym sposabie piśma i bačańnia śvietu. Kab źvieści razam žyvych žančynaŭ i litaraturnych hierojaŭ. Kab sustrecca i skazać adzin adnamu pryjemnyja i važnyja słovy.

Heta adkrytyja dyskusii ‑‑ Pryjdzi i skažy svajo słova!

Miesca praviadzieńnia dyskusij — kniharniaŬhalerei (Minsk, pr.Niezaležnaści, 37A)

***

8 krasavika a 19 hadzinie dyskusija pieršaja: «Kinder — Küche — Kirche — Knihi»

Havorym pra asablivaści žanočaha piśma jak takoha i biełaruskaha ŭ pryvatnaści na padstavie dvuch zbornikaŭ žanočaj prozy ‑‑ «Žančyny vychodziać z‑pad kantrolu» (Kniharnia Naša niva, 2007) i «Pakachaj mianie, kali łaska» (Kniharnia piśmieńnika, 2009).

Udzielniki

1) Maderatary: Volha Hapiejeva i Iryna Hierasimovič

2) Dyskusanty: Iryna Sałamacina, Śviatłana Kaladka, Ihar Babkoŭ, Alaksandra Dyńko, Barys Piatrovič

3) Aŭtarki.

Temy dla abmierkavańnia:

Prablema terminałohii. Žanočaja litaratura vs mužčynskaj litaratury

Zborniki z udziełam vyklučna žančyn‑aŭtarak: ružovaje hieta ci sproba zajavić pra siabie, zrabić siabie bačnaj.

Padychody da vyvučeńnia i analizu litaraturnaj tvorčaści žančyn: akademičnaja prastora i instytut krytyki

***

Kiraŭnik prajekta: Alaksandra Dyńko, kaardynatar tvorčaj prastory BYBOOKS

Kantakt:

+375 29 872 26 35