Urad Biełarusi ŭ siarednim na 10 pracentaŭ pavialičyŭ datacyi na znachodžańnie dziaciej u letnich azdaraŭlenčych łahierach.
Tak, pavodle rašeńnia ŭrada, datacyi sa srodkaŭ dziaržaŭnaha sacyjalnaha strachavańnia na adnu pucioŭku
ŭ azdaraŭlenčyja łahiery z kruhłasutačnym znachodžańniem pavialičanyja z 250 tys. da 280 tys. rubloŭ,
u azdaraŭlenčyja łahiery ź dzionnym znachodžańniem — z 110 da 120 tys. rubloŭ, u profilnyja azdaraŭlenčyja łahiery z kruhłasutačnym znachodžańniem terminam nie mienš jak 9 dzion — z 115 tys. da 125 tys. rubloŭ.
Adnak, niahledziačy na pavieličeńnie datacyj na adnu pucioŭku, ahulny abjom finansavańnia dziciačaha azdaraŭleńnia zastaniecca raniejšym.
Tak, pavodle rašeńnia ŭrada, za košt srodkaŭ Fondu sacyjalnaj abarony nasielnictva Ministerstva pracy i sacyjalnaj abarony, praduhledžanych na finansavańnie sanatorna‑kurortnaha lačeńnia i azdaraŭleńnia nasielnictva, na akazańnie dapamohi ŭ padrychtoŭcy stacyjanarnych azdaraŭlenčych łahieraŭ da pracy ŭ letni pieryjad budzie vydatkavana 1,5 młrd rubloŭ, heta značyć stolki ž, kolki letaś.
