Ukrainskaja ŭłada nie maje prava na dyskusiju nakont stvareńnia sajuznaj dziaržavy Rasii, Biełarusi i Ukrainy, zajaŭlaje prezident Ukrainy Viktar Janukovič.
«Ci isnuje prava na dyskusiju pa hetym pytańni? Dla mianie jak dla prezidenta — nie. Dla ŭsich, chto pradstaŭlaju ŭładu — nie.
I heta kateharyčna», — skazaŭ prezident Ukrainy.
Janukovič adznačyŭ, što Ukraina źjaŭlajecca niezaležnaj dziaržavaj, a stratehičnym napramkam vonkavaj palityki krainy źjaŭlajecca intehracyja ŭ ES.
«Jość nieabvieržnaja iścina: Ukraina — niezaležnaja suvierennaja dziaržava. I pra heta napisana ŭ Asnoŭnym zakonie našaj dziaržavy.
Jość nastupnaja iścina — Ukraina aktyŭna intehrujecca ŭ Jeŭrapiejski sajuz. I hety stratehičny napramak zafiksavany, u tym liku, i ŭ maich nieadnarazovych zajavach jak prezidenta Ukrainy. Ja chacieŭ by, kab pra heta ŭsie pamiatali», — skazaŭ jon.
Raniej staršyni kamiteta Dziaržaŭnaj dumy Rasii Jaŭhien Fiodaraŭ vystupiŭ ź inicyjatyvaj stvareńnia sajuznaj dziaržavy Rasii, Biełarusi i Ukrainy.