Mahiloŭ zajmieŭ svaju sučasnuju žudasnuju lehiendu — hetymi dniami ŭ horadzie tolki i havorki, što pra «facinskaha mańjaka».
Miascovyja ŚMI dajuć vielmi skupuju infarmacyju pra žachlivyja znachodki ŭ rajonie vulicy Facina, kab nie spravakavać paniku. Paśla taho, jak 23 sakavika była znojdzienaja pieršaja achviara, mahiloŭskaja milicyja musiła sklikać bryfinh dla žurnalistaŭ, paśla jakoha miascovyja ŚMI paviedamili, što nijakaha manjaka ŭ horadzie niama. Ale supakoić žycharoŭ Mahilova nie ŭdałosia, bo ŭžo 31 sakavika horad skałanuła navina pra novuju znachodku.
Sajt 222.by. piša pra heta nastupnaje. Ranicaj, 31 sakavika, zusim pobač ź miescam, dzie było znojdziena minułaje cieła, usio tam ža, niedaloka ad kancavoha prypynku vuł.Facina, znajšli pareštki jašče adnaho čałavieka. Cieła akazałasia źniaviečanym nastolki, što prablematyčnym akazałasia vyśvietlić biez ekśpiertyzy, mužčynam ci žančynaj była achviara. Pa niepravieranych pakul źviestkach, usio ž žančyna. Z momantu pieršaj strašnaj znachodki pa horadzie chadziła masa čutak ab novych zabojstvach. Raskazvali pra nibyta znojdzienyja cieły u śmiećcievym kantejniery dzieści ŭ rajonie pasiołkaŭ Habianiova i ŭ Pałykavičach, pra niejkich paviešanych žančyn i hetak dalej. Padobnyja čutki ničym nie paćviardžalisia, razdražniali chutka stali dobraj hlebaj dla čornaha humaru.
29 sakavika načalnik śledčaha adździeła prakuratury vobłaści Siarhiej Katryč navat vymušany byŭ arhanizavać bryfinh dla žurnalistaŭ, kab supakoić nasielnictva. Učora i siońnia pra heta pisali praktyčna ŭsie mahiloŭskija haziety.Maŭlaŭ, nijakaj sieryi zabojstvaŭ niama i nijakich zajavaŭ ab źniknieńni ŭ Mahilovie ludziej i ŭ pryvatnaści žančyn na minułym tydni nie pastupała. Znojdziena było ŭsiaho adno źniaviečanaje cieła, i da hetaha padobnaha nie było kala dziesiaci hadoŭ. Možna padumać, supakoili!
Varta było hetaj infarmacyi źjavicca na staronkach haziet, jak pa kłasičnym zakonie trylera, zabojca znoŭ nahadaŭ pra sabie.Siońnia daviałosia źbirać čarhovy bryfinh, na jakim aficyjna pryznali, što znojdziena jašče adno cieła, adnak padrabiaznaści ŭ intaresach śledstva nie dajucca. Jak zaŭždy... Natoŭp milicyi i padniataha pa tryvozie AMAPa ŭ rajonie damoŭ №2, №4 pa vuł. Facina bačyli mnohija mahiloŭcy, jakija śpiašalisia ranicaj na pracu. Vakolicy damoŭ byli ačeplenaja. Samo ž cieła znajšli ŭ aknie padvała.
Dakładnaja infarmacyja pra nadzvyčaj žorstkija zabojstvy ŭ Mahilovie pakul adsutničaje. Isnuje niekalki viersij. Pavodle adnoj ź ich, achviary nieviadomaha zabojcy naležali da adnoj kampanii i mahli być zabityja pryblizna ŭ adzin čas. U toj ža čas, u kamientarach da artykuła pra «facimskaha mańjaka» na sajcie 222.by adzin z čytačoŭ spasyłajecca na źviestki z Kastryčnickaha RUUS, dzie nibyta pracuje jaho ajčym. Jon piša, što druhaja achviara, znojdzienaja 31 sakavika, nie była znajomaja ź pieršaj žančynaj.
Adzinaje, što pakul dakładna viadoma, što cieły zabitych byli razrezanyja, jak ni žudasna heta hučyć, ź viedańniem spravy. «Niejki debił načytaŭsia «Džeka-Patrašyciela», — cytuje adnaho z kryminalistaŭ aŭtar mahiloŭskaha sajta.
