Pra terakty ŭ Maskvie piša Aleś Čajčyc — aŭtar novaha błohu na NN.
Naviny pra terakty čamuś usprymajucca bolš naściarožana, kali ty daloka ad horadu, dzie jany adbyvajucca, čym kali ty tam. Padčas vybuchaŭ kala st.m. «Rižskaja» ŭ 2004 h. ci pobač z hatelem «Nacional» u 2003 h. ja byŭ u Maskvie i čamuś terarystyčnyja ataki nia vyklikali vialikaha strachu. Mahčyma, heta było niejkaje pačućcio fatalizmu ci, naadvarot, ablahčeńnie, što ty byŭ tam, ale, dziakavać Bohu, byŭ daloka ad miesca vybuchu (chacia praz stancyju «Ryskaja» ja tady jeździŭ štodzień).
Ź inšaha boku, u dzień vybuchu pamiž st. m. «Aŭtazavodskaja» i «Pavialeckaja» ja znachodziŭsia ŭ Saratavie, i ŭžo było vielmi niespakojna za svaich blizkich u Maskvie. Jak i zaraz.
Mahčyma, heta taksama efekt ad taho, što vybuch zdaryŭsia ŭ metrapalitenie — hetaj mistyčnaj i intymnaj častcy Maskvy,miescam, dzie ty bolš za ŭsio sudakranajeśsia ź joju na šlachu z doma na pracu ci instytut. Metro -- častka šmathadovaj štodzionnaj ruciny socień tysiač žycharoŭ mehapolisa — cyrymanijalna hod za hodam hučać u vušach zaklinańni, «Ostorožno, dvieri zakryvajutsia, śledujuŝaja stancija — Park Kultury». Mahčyma, zdalok usio hledzicca strašniej i adtul składaniej źmirycca z tym, što zdaryłasia, čym kali ty pobač.
Niepieraduchileny terakt aznačaje, što adkaznyja ludzi nia spravilisia z svajoj pracaj i pavinny być pakaranyja. Pavinna pracavać praviła: «nia spraviŭsia z adkaznaściu — pakidaješ pasadu». Tak što
prezydentu varta było b dumać pra ratacyju ŭ kiraŭnictvie specsłužbaŭ, FSB ci MUS. Ale ž nu my z vami ŭsio razumiejem, praŭda?
Rasieja praciahvaje vajavać. I nia tolki jana — u Londanie ŭ metro nie pracuje mabilnaja suviaź — ja tak razumieju, heta niazručnaść źjaŭlajecca nastupstvam terarystyčnaj ataki 2005 hodu.
Siońniašnija vypadki nahadali, jak śmierć i hora moža ŭvarvacca i ŭ naša kamfortnaje miaščanskaje žyćcio. Dyj nia tolki ŭ vyhladzie teraktu, ale i inšymi, kudy bolš prazaičnymi šlachami. Nam zastajecca być
