Premija, zasnavanaja municypalitetam polskaha horada Hdańsk, była ŭručana siońnia ŭviečary ŭ Polščy.
Biełaruskaja studentka Śviatłana Pankaviec, jakaja prymała ŭdzieł va ŭznaharodžvańni, kaža, što spačatku ŭ muzyčnym supravadžeńni čytali vybranyja vieršy kožnaha z naminantaŭ. A paśla mer Hdańska razam z staršynioj žury ŭručyŭ premiju łaŭreatu — Uładzimiru Arłovu.
Žury amal adnahałosna vykazałasia za pieramohu biełaruskaha piśmieńnika.
Arłoŭ u svaim słovie padziakavaŭ usim.
I adznačyŭ, što Biełarusi ŭ paraŭnańni z Polščaj jašče treba pazmahacca za svaju svabodu.
Uładzimir Arłoŭ pradstaŭlaŭ Biełaruś na ahulnajeŭrapiejskim konkursie «Jeŭrapiejski paet svabody» z knihaj vieršaŭ «Parom praz Ła-Manš». Siarod naminantaŭ byli paety z Polščy, Kipra, Słavakii, Słavienii, Sierbii, Francyi, Šviecyi.
Z saraka šaści jeŭrapiejskich krain dla ŭdziełu byli vybranyvosiem. Z kožnaj krainy-finalista vybrali pa adnym paecie, čyju knižku pierakłali i vydali pa-polsku. Knihu Arłova pierakłaŭ palak Adam Pamorski.
Łaŭreata čakaje premija ŭ pamiery 100 000 złotych.
