Kurs dalara ZŠA pa vynikach biržavych tarhoŭ 24 sakavika znoŭ abnaviŭ histaryčny maksimum i dasiahnuŭ 2.985 rubloŭ, pavialičyŭšysia na 4 rubli ŭ paraŭnańni z papiarednim značeńniem.
Pavodle źviestak BVFB, u tarhach dalaram udzielničała 26 bankaŭ. Abjom ździełak skłaŭ 13 młn. 43 tys. (popyt — 13 młn. 48 tys., prapanova — 5 młn. 480 tys.)
U tarhach rasijskim rublom udzielničała 28 bankaŭ. Kurs źniziŭsia na 0,22 rubla da 100,93 rubla. Abjom tarhoŭ skłaŭ 300 młn. 930 tys. rasijskich rubloŭ (popyt — 202 młn. 75 tys., prapanova — 303 młn. 70 tys.).
U tarhach jeŭra ŭdzielničała 26 bankaŭ. Abjom ździełak skłaŭ 16 młn. 495 tys. (popyt — 16 młn. 484 tys., prapanova — 18 młn. 771 tys.), a kurs źniziŭsia na 27 rubloŭ da adznaki 4.005 rubloŭ za jeŭra.
Adnosna valutnaha košyka (dalar ZŠA, jeŭra, rasijski rubiel) biełaruski rubiel umacavaŭsia na 0,25% u paraŭnańni z papiarednim značeńniem: košt košyka skłaŭ 1.064,68 rubla suprać 1.067,30 rubla dniom raniej.
Z pačatku hoda kurs biełaruskaha rubla da valutnaha košyka źniziŭsia na 2,74%. Pry hetym da dalara kurs źniziŭsia na 4,26%, da rasijskaha rubla źniziŭsia na 6,62%, da jeŭra — umacavaŭsia na 2,44%.
Na 2010 hod kalidor vahańniaŭ kursu biełaruskaha rubla adnosna košyka valut ustanoŭleny ŭ miežach plus/minus 10%.
