25-ha sakavika ad 11-aj hadziny na adnoj z hałoŭnych vulic Varšavy – Krakaŭskim pradmieści – pačnucca śviatkavańni Dnia Voli.Pieršym u ich šerahu budzie stvareńnie vialikaj śviatočnaj paštoŭki dla Biełarusi. Udzieł u im zmohuć pryniać usie achvotnyja.
Viečaram, a 19-aj hadzinie, u centry kultury «Novy cudoŭny śviet» (vuł. Novy Śviet, 63) adbudziecca pakaz filma «Raźbieh», aŭtarstva Luby Žuromskaj, Iryny Pismiennaj i Eły Miłavaj. Film raskazvaje ab losach maładych biełarusaŭ, jakija stanavilisia asobami padčas zamacavańnia režymu Łukašenki.
Paśla prahladu filma zapłanavanaja dyskusija na temu «25 sakavika jak dzień niezaležnaści Biełarusi. Ale jakoj Biełarusi i jakoj niezaležnaści?». Udzieł u joj majuć uziać Siarhiej Marčyk (biełarus, student prava Varšaŭskaha univiersitetu, pravaabaronca), Marek Bućka (sakratar arhanizacyi «Svaboda i Demakratyja», były namieśnik pasła Polščy ŭ Biełarusi), Tomaš Pisuła (kiraŭnik arhanizacyi «Svaboda i Demakratyja», pravaabaronca) Ihnacy Niamčycki i Ahnieška Astroŭska ź inicyjatyvy «Volnaja Biełaruś».
Zapłanavany taksama žyvy efir z šeścia ŭ Minsku.
Mierapryjemstvy ładzić moładzievaja inicyjatyva «Volnaja Biełaruś».
