Ministerstva infarmacyi Biełarusi aktyŭna prapracoŭvaje pytańnie ab stvareńni adzinaha partała biełaruskich ŚMI.
Pra heta siońnia zajaviŭ, vystupajučy na respublikanskim sieminary‑naradzie «Sistema ideałahičnaj pracy ŭ Respublicy Biełaruś: sučasny stan i pierśpiektyvy raźvićcia», ministr infarmacyi Biełarusi Aleh Pralaskoŭski.
Pa słovach ministra, raźvićcio luboha ŚMI biez vykarystańnia hłabalnaj infarmacyjnaj sietki zaraz bieśpierśpiektyŭna. Jon padkreśliŭ važnaść chutčejšaha zaviaršeńnia pracy pa stvareńni internet‑sajtaŭ ŭsich rehijanalnych ŚMI.
Adnak, ličyć Aleh Pralaskoŭski,
ni ŭ jakim razie nielha dapuskać, kab internet‑viersii vydańniaŭ całkam kapiravali ich drukavany varyjant.
Na takich sajtach pavinna być mahčymaść dla abmierkavańnia kankretnych prablem haradoŭ i rajonaŭ.
Aleh Pralaskoŭski taksama źviarnuŭ uvahu na nieabchodnaść bolš razumnaha padychodu ŭ kadravaj pracy. «Niedapuščalna, kali ŭ redakcyi jość vakansii, masa rabotnikaŭ piensijnaha i pieradpiensijnaha ŭzrostu, a zajavak na kantraktnuju padrychtoŭku ŭ Instytucie žurnalistyki vielmi mała», — skazaŭ ministr.
