Vizyt Alaksandra Łukašenki ŭ Venesuełu i pahadnieńnie ab pastaŭkach venesuelskaj nafty my paprasili prakamentavać Hustava Karanela (Gustavo Coronel), kolišniaha siabra ŭpravy venesuelskaj dziaržaŭnaj naftavaj kampanii Petroleos de Venezuela.
— Biełaruś nia maje dostupu da mora. Venesuelskuju naftu možna pastaŭlać u Biełaruś praź Litvu abo Łatviju. Nakolki praktyčnaj vam padajecca hetaja damova ab pastaŭkach venesuelskaj nafty?
Karanel: Nia treba abaviazkova dumać, što hetyja 80 tysiač barelaŭ nafty na dzień buduć venesuelskimi. Z punktu hledžańnia transpartavańnia, jak vy zaŭvažyli, heta vielmi składanaje pytańnie. Praŭdapadobna, u Biełaruś budzie pastaŭlacca rasiejskaja nafta. Ja nia viedaju, u jakich palityčnych adnosinach znachodziacca ciapier Biełaruś i Rasieja, ale ŭ kožnym razie — heta budzie nafta z krainy, jakaja znachodzicca bližej da Biełarusi, čym Venesueła. Čavies prosta pradaść abiacanuju Łukašenku naftu toj treciaj krainie za niešta inšaje. Fizyčna venesuelskaja nafta nia źjavicca ŭ Biełarusi.
