16 sakavika Kabiniet ministraŭ Łatvii vyznačyŭ novuju datu ŭviadzieńnia jeŭra ŭ krainie — 1 studzienia 2014 hoda. Kab realizavać hetuju ideju, kraina pavinna vykanać šerah maastrychckich pahadnieńniaŭ.
Za hod da pryniaćcia rašeńnia ŭzrovień inflacyi nie pavinien być bolšym, čym na 1,5% samaha nizkaha ŭ ES, deficyt biudžeta nie pavinien pieravyšać 3% ad VUP, a ahulnaja pazyka ŭrada — nie bolš za 60% ad VUP.
Ciaham dvuch pieršych tydniaŭ studzienia taho hoda, kali Łatvija piarojdzie na jeŭra, abiedźvie valuty buduć vykarystoŭvacca paralelna, choć reštu ŭ kramach buduć vydavać tolki ŭ jeŭra. Ceńniki ŭ kramach buduć u dvuch valutach — jeŭra i łatach.
Abmien maniet i banknot biez kamisijnych budzie mahčymym ciaham 6 miesiacaŭ z dnia ŭviadzieńnia jeŭra.
Zaraz u jeŭrazonu ŭvachodziać 16 dziaržaŭ Jeŭropy (Aŭstryja, Bielhija, Hiermanija, Hrecyja, Irłandyja, Ispanija, Italija, Kipr, Luksiemburh, Malta, Niderłandy, Partuhalija, Słavakija, Słavienija, Finlandyja, Francyja). Apošniaj dałučyłasia Słavakija — 1 studzienia 2009 hoda. Nastupnyja pretendenty na ŭvachodžańnie ŭ zonu jeŭra — Polšča i Čechija
