Siońnia ŭ Minskim abłasnym sudzie adbyŭsia razhlad kasacyjnaj skarhi Taresy Sobal na rašeńnie Vałožynskaha rajonnaha suda, pavodle jakoha jana pavinna vyzvalić pamiaškańnie ivianieckaha Domu Polskaha. Jak i čakałasia, apielacyja była adchilenaja.
Razhlad spravy zaniaŭ kala 40 chvilin. U zalu suda na hety raz puskali ŭsich achvotnych. Niahledziačy na toje, što padtrymać T.Sobal pryjechała kala 50 čałaviek. Nichto ź ich, uklučna z kiraŭnictvam nieaficyjnaha SPB, niepryjemnaściaŭ pa darozie ŭ Minsk nie źviedaŭ.
A «achoŭvaŭ» siabroŭ SPB na chodnikach la budynku suda ŭsiaho adzin daišnik.
Advakat Taresy Sobal, Alaksandr Halijeŭ, paśla skančeńnia pasiedžańnia adznačyŭ, što abvinavačańnie, jak i ŭ Vałožynie, nie zmahło abhruntavać svaich pretenzij da kiraŭnički ivianieckaha adździełu SPB. Adnak heta nie paŭpłyvała na sudovaje rašeńnie. A.Halijeŭ taksama paviedamiŭ, što T. Sobal budzie abskardžvać pastanovu rajonnaha suda Vałožyna i dalej.
0
0
0
0
0
0