Hałoŭnaja redaktarka biełaruskaha vypusku haziety «Komsomolskaja pravda» v Biełarusi» Alena Mironava adchilenaja ad pasady.
Fota tut.by
U ofisie vydańnia kažuć, što zvalnieńnie stała dla ich poŭnaj niečakanaściu — hetak ža, jak i niekalki hadoŭ tamu padčas anałahičnaha zvalnieńnia Julii Słuckaj.
Sama Alena Mironava skazała, što nijakich papieraŭ nakont hetaha jašče nie padpisvała i znachodzicca na pracoŭnym miescy:
«Ja zaraz nie hatova niejkuju infarmacyju ni ahučvać, ni abmiarkoŭvać z kimści. Nijakich dakumientaŭ ja pakul nie padpisvała…».
Miž tym, u redakcyi paviedamili,
što na pierachodny pieryjad vykonvać abaviazki hałoŭnaha redaktara ŭžo pryznačanaja Uljana Babajed.
Charter97.org dadaje, što siońnia haziecie «KP v Biełarusi» vyniesiena druhoje papiaredžańnie za hod Ministerstva infarmacyi. Jašče adno papiaredžańnie moža pryvieści da zakryćcia vydańnia. Za što papiaredzili hazietu — pakul nieviadoma.
* * *
Alena Mironava zaniała redaktarski fatel paśla rašeńnia maskoŭskaj administracyi «Komsomolskoj pravdy» v Biełarusi» 1 listapada 2006 hoda zvolnić z pasady Juliju Słuckuju. Da 1 listapada 2006 h. A. Mironava zajmała pasadu redaktara
Za čas kiravańnia Mironavaj hazieta praciahnuła niezaležnickuju pazicyju. Nakład haziety navat vyras. Štodzionny z 48 tys. da 63 tys. asobnikaŭ za numar. Nakład «taŭstuški» — 337 tys. asobnikaŭ.
U listapadzie 2009 hoda «KP v Biełarusi» atrymała pieršaje papiaredžańnie ad Ministerstva infarmacyi. Hazieta pilna sačyła za situacyjaj vakoł epidemii siezonnaha i śvinoha hrypu ŭ krainie.