Alaksandr Łukašenka padpisaŭ ukaz, u adpaviednaści ź jakim ordenam «Za asabistuju mužnaść» paśmiarotna ŭznaharodžanyja namieśnik kamandzira pa lotnaj padrychtoŭcy 61‑j źniščalnaj avijacyjnaj bazy Zachodniaha apieratyŭna‑taktyčnaha kamandavańnia Vajenna‑pavietranych sił i vojskaŭ supraćpavietranaj abarony Uzbrojenych sił pałkoŭnik Alaksandr Žuraŭlevič i namieśnik kamandujučaha vojskami pa avijacyi Zachodniaha apieratyŭna‑taktyčnaha kamandavańnia Vajenna‑pavietranych siłaŭ i vojskaŭ SPA Uzbrojenych Sił pałkoŭnik Alaksandr Marficki.
Pra heta paviedamili ŭ pres‑słužbie kiraŭnika dziaržavy.
Aficery hanaravanyja hetymi ŭznaharodami
za śmiełyja i rašučyja dziejańni pry abstavinach, źviazanych z ryzykaj dla žyćcia, asabistuju mužnaść i advahu, prajaŭlenyja pry vykanańni słužbovych abaviazkaŭ, vysoki prafiesijanalizm.
30 žniŭnia na avijašou u horadzie Radam (Polšča) padčas vykanańnia fihury vyšejšaha piłatažu raźbiŭsia biełaruski vajenny samalot Su‑27. Abodva členy ekipažu — lotčyki‑snajpiery Alaksandr Marficki i Alaksandr Žuraŭlevič zahinuli. Papiaredniaja viersija trahiedyi — traplańnie ptuški ŭ ruchavik.
Lotčyki adviali samalot ad nasielenaha punkta i nie katapultavalisia, canoj svajho žyćcia praduchiliŭšy bolš ciažkija nastupstvy.
