Pieršy vice‑premjer Rasii Ihar Šuvałaŭ nie vyklučaje pierachodu na adzinuju valutu ŭ miežach Mytnaha sajuza i Adzinaj ekanamičnaj prastory (AEP).
Pra heta jon zajaviŭ, vystupajučy 5 sakavika ŭ Maskvie na mižnarodnym ekanamičnym forumie dziaržaŭ — udzielnic SND, pieradaje RIA Novosti.
Šuvałaŭ nahadaŭ, što z pačatku 2010 hoda pracuje Mytny sajuz Biełarusi, Kazachstana i Rasii, da 2012 hoda płanujecca stvaryć AEP.
Pieršy vice‑premjer nie vyklučyŭ, što miežy hetych ekanamičnych abjadnańniaŭ buduć pašyrany.
«I ja nie staŭ by vyklučać pierachod u pierśpiektyvie tut da adzinaj valutnaj prastory», — skazaŭ jon.
Što tyčycca zadač rasijskaha staršynstva ŭ SND u 2010 hodzie, Šuvałaŭ adznačyŭ, što adnym z najvažniejšych kirunkaŭ źjaŭlajecca stvareńnie adzinaj płaciežna‑raźlikovaj sistemy krain SND. «U finansavaj śfiery važna padrychtavać i zaćvierdzić kancepcyju i płan dziejańniaŭ pa stvareńni płaciežna‑raźlikovaj sistemy na bazie valut krain SND», — skazaŭ jon. Važnaj zadačaj źjaŭlajecca taksama efiektyŭnaje vykarystańnie mahčymaściaŭ Miždziaržaŭnaha banka SND.
