Pastaŭlenaja zadača adradzić na vyšejšym uzroŭni ideałahičnuju rabotu ŭ Biełarusi ŭ poŭnaj miery realizujecca.
Takuju dumku vykazała ŭ čaćvier žurnalistam pieršy namieśnik kiraŭnika Administracyi prezidenta Biełarusi Natalla Piatkievič, jakaja prymała ŭdzieł u rabocie rehijanalnaj kanfierencyi ideałahičnych rabotnikaŭ Bresckaj vobłaści ŭ Kobrynie.
«Siońnia my ŭžo možam skazać, što ideałahičnaja viertykal u našaj krainie jość, i my ŭžo havorym nie pra stanaŭleńnie, a pra ŭdaskanaleńnie jaje raboty»,
— skazała Natalla Piatkievič.
U jakaści pazityŭnaha źmianieńnia jana adznačyła źjaŭleńnie ideołahaŭ nie tolki ŭ dziaržaŭnaj śfiery, ale i ŭ pryvatnym biźniesie. «Pryjemna adznačyć, što na pryvatnych pradpryjemstvach vybudoŭvajecca ideałahičnaja rabota, i heta nie nacisk źvierchu, a sapraŭdy patrebnaść. Heta vielmi važna, tamu što zadača ideałahičnaj raboty — stvarać niepasredny kantakt pamiž prostym čałaviekam i ŭładaj, sadziejničać vyjaŭleńniu patrebnaściej, prablem ludziej i ich vyrašeńniu. Heta hałoŭnaja zadača, biez vyrašeńnia jakoj nie moža isnavać dziaržava, i heta hałoŭnaje pryznačeńnie ideołaha», — ličyć Natalla Piatkievič.