Śledstva orhanaŭ prakuratury budzie refarmavana. Heta vynikaje z ukaza prezidenta № 99, padpisanaha Alaksandram Łukašenkam 1 sakavika.
U adpaviednaści z dakumientam śledčy aparat orhanaŭ prakuratury budzie składacca
sa śledčaha ŭpraŭleńnia Hienieralnaj prakuratury i padparadkavanych jamu śledčych adździełaŭ prakuratur abłaściej, horada Minska i pryraŭnavanych da ich śpiecyjalizavanych prakuratur.
U skład śledčaha ŭpraŭleńnia Hienprakuratury ŭvojduć namieśnik hienprakurora — načalnik śledčaha ŭpraŭleńnia Hienieralnaj prakuratury, jaho namieśniki — načalniki adździełaŭ, ich namieśniki, staršyja śledčyja pa asabliva važnych spravach, śledčyja pa asabliva važnych spravach, staršyja śledčyja‑kryminalisty, śledčyja‑kryminalisty, pamočniki namieśnika hienprakurora — načalnika śledčaha ŭpraŭleńnia Hienieralnaj prakuratury.
U skład śledčych adździełaŭ prakuratur abłaściej, horada Minska i pryraŭnavanych da ich śpiecyjalizavanych prakuratur uvojduć načalniki zhadanych adździełaŭ, ich namieśniki i pamočniki, staršyja śledčyja pa važniejšych spravach, śledčyja pa važniejšych spravach, śledčyja‑kryminalisty, a taksama zamacavanyja za rajonnymi (mižrajonnymi, mižharnizonnymi) učastkami hetych adździełaŭ staršyja śledčyja, śledčyja.
Ukaz praduhledžvaje, što nahlad za vykanańniem zakona pry papiarednim śledstvie ŭ orhanach prakuratury ŭ śledčym upraŭleńni Hienprakuratury
budzie ažyćciaŭlacca hienieralnym prakuroram,
adnym ź jaho namieśnikaŭ, inšymi ŭpaŭnavažanymi hienprakuroram prakurorskimi rabotnikami Hienieralnaj prakuratury. U śledčych adździełach prakuratur abłaściej, horada Minska i pryraŭnavanych da ich śpiecyjalizavanych prakuratur — vyšejnazvanymi słužbovymi asobami, a taksama prakurorami abłaściej, horada Minska i pryraŭnavanymi da ich prakurorami, adnym ź ich namieśnikaŭ, inšymi ŭpaŭnavažanymi hetymi prakurorami prakurorskimi rabotnikami hetych prakuratur, a taksama prakurorami rajonaŭ, rajonaŭ u haradach, haradoŭ, mižrajonnymi i pryraŭnavanymi da ich transpartnymi i mižharnizonnymi vajennymi prakurorami — pa kryminalnych spravach ab złačynstvach, učynienych na padnahladnaj im terytoryi.
Funkcyi prakuratur rajonaŭ, rajonaŭ u haradach, haradoŭ, mižrajonnych i pryraŭnavanych da ich śpiecyjalizavanych prakuratur pa ažyćciaŭleńni papiaredniaha śledstva pa kryminalnych spravach buduć pieradadzieny śledčym adździełam prakuratur abłaściej, horada Minska i pryraŭnavanych da ich śpiecyjalizavanych prakuratur. Pieralik rajonnych (mižrajonnych, mižharnizonnych) učastkaŭ hetych adździełaŭ i kolkasny skład zamacavanych za imi staršych śledčych i (abo) śledčych vyznačajucca hienprakuroram z ulikam kolkaści nasielnictva i stanu kryminahiennaha stanovišča na adpaviednych terytoryjach.
U adpaviednaści z ukazam likvidujucca: vajennaja prakuratura pa nahladzie za zakonnaściu ŭ voinskich čaściach VPS i vojskaŭ SPA, vajennaja prakuratura pa nahladzie za zakonnaściu ŭ orhanach pahraničnaj słužby.
Ukaz nabyvaje moc 1 lipienia 2010 hoda.
