Pieršaha namieśnika ministra ŭnutranych spravaŭ Aleha Piakarskaha paprasili prakamientavać źmieny ŭ Administracyjny kodeks, jakija zabaraniajuć užyvać ałkaholnyja napoi ŭ hramadskich miescach.
Najpierš čynoŭnik nahadaŭ, što kožny hod ad atručvańnia ałkaholem pamiraje 2 500 čałaviek. A 40% usich złačynstvaŭ ździajśniajecca ŭ stanie ałkaholnaha apjanieńnia. «Za miažoj, u Jeŭropie, my nie bačym, kab moładź źbirałasia ŭ niejkim hramadskim miescy dla raśpićcia ałkaholu», — zaznačyŭ A.Piakarski.
Milicyjanier vykazaŭ zasmučeńnie, što svoječasova nie była dadzienaja kamanda Ministerstvu handlu dla adkryćcia adpaviednych ustanovaŭ, dzie b pradavalisia na raźliŭ śpirtnyja napoi.Nie paśpieli ŭ čas zaryjentavacca ŭ situacyi. Kali budzie dastatkova padobnych ustanovaŭ, to prablema z užyvańniem piva ŭ hramadskich miescach adpadzie sama saboj», — zaznačyŭ namieśnik ministra.
Aleh Piakarski daŭ žorstkuju acenku sa stanam užyvańnia ałkaholu hramadzianami krainy. «Patrebny čas, kab hramadstva ŭśviadomiła, što heta supraćzakonna.
Kali ŭžyvańnie ałkaholu budzie praciahvacca ŭ takoj samaj kolkaści, to ciažka skazać, što z nami budzie praz 15‑20 hadoŭ. Ci nie budzie našaje hramadstva defarmavanym?», — zapytvaŭsia milicyjant.
Pres‑sakratar MUS Śviatłana Baroŭskaja adznačyła, što ŭ šerahu ŚMI źjaviłasia infarmacyja ab tym, što piva nielha pić navat na bałkonie. Baroŭskaja paśpiašałasia supakoić, što na svaim bałkonie možna. Nielha na bałkonie padjezda.
0
0
0
0
0
0
