Ispanija i Vieniesueła nie paźbiehnuć dypłamatyčnaha kanfliktu z nahody abvinavačańnia Karakasa ŭ supracoŭnictvie z paŭstanckimi hrupoŭkami z metaju arhanizavać zabojstva prezidenta Kałumbii Alvara Urybe i inšych vysokapastaŭlenych palityčnych dziejačaŭ.
Sudździa Nacyjanalnaha sudu Ispanii Ełoj Viełaska ŭ paniadziełak śćvierdziŭ, što ŭrad Vieniesueły zmaŭlaŭsia z baskskaj sieparatysckaj hrupoŭkaj ETA i z partyzanskimi hrupoŭkami ŭ Kałumbii z metaj zabojstva palitykaŭ, jakija žyvuć u Ispanii abo jeździać u Ispaniju.
Hetaje pałažeńnie było častkaj abvinavaŭčaha aktu, pavodle jakoha 12 mierkavanych členaŭ ETA i Revalucyjnych uzbrojenych siłaŭ Kałumbii (FARC) paŭstanuć pierad sudom pa abvinavačvańni ŭ zmovie z metaj ździajśnieńnia zabojstva i teraryzmu.
U akcie zajaŭlajecca, što «jość dokazy supracoŭnictva ŭradu Vieniesueły z FARC I ETA».
Karakas hnieŭna adreahavaŭ na hetyja abvinavačvańni. Ministerstva zamiežnych spravaŭ Vieniesueły adchiliła abvinavačvańni jak «pieraduziatyja i nieabhruntavanyja».
Chajden Pireła, kanhresmen z kiroŭnaj kaalicyi prezidenta Vieniesueły Uha Čavesa, zajaviŭ, što śćvierdžańni ispanskaha sudździ źjaŭlajucca «častkaj kampanii pa dyskredytacyi Vieniesueły», dadaŭšy: «My nie davali prytułku partyzanam i nie supracoŭničali z paŭstancami».
Abvinavačańni byli ahučanyja nie ŭ najlepšy čas dla Čavesa, čyja papularnaść padaje praź niedachop elektraenerhii, recesiju ekanomiki i vysoki ŭzrovień inflacyi. Jany mohuć taksama paškodzić dačynieńniam ź Vieniesuełaj Kałumbii i Ispanii, jakija sprabujuć pieraadoleć minułyja roznahałośsi.
Abvinavaŭčyja zaklučeńni znoŭ pryciahnuli ŭvahu da Nacyjanalnaha sudu Ispanii, sudździ jakoha dziejničajuć samastojna i źjaŭlajucca niezaležnymi ad vykanaŭčaj i zakanadaŭčaj halinaŭ ułady. Niekatoryja sudździ zabrali mižnarodnuju ŭvahu i zdabyli šmat krytyčnych vodhukaŭ paśla hučnych spravaŭ, źviazanych ź inšymi uradami, u tym liku rasśledavańnia zajavaŭ pra katavańni ŭ adnosinach da źniavolenych vajskovaj turmy ŭ zalivie Huantanama.
