Pra heta paviedamiŭ pres‑sakratar Ministerstva pa nadzvyčajnych situacyjach Vital Navicki.
Pavodle jaho słoŭ, uviečary 1 sakavika rabotnikami pradpryjemstva padčas praviadzieńnia rehłamientnych rabot pa ŭstaranieńni naledzi byŭ paškodžany manomietr na trubapravodzie resiviera amijačna‑chaładzilnaj ustanoŭki miasakambinata.
«U vyniku hetaha adbyłasia ŭciečka 150 kh amijaku.
Sihnał pra zdareńnie aŭtamatyčna pastupiŭ z datčykaŭ, što ŭstanoŭlena na kambinacie, na aparatna‑prahramny kompleks Babrujskaha padraździaleńnia MNS. Da prybyćcia supracoŭnikaŭ MNS absłuhovy piersanał evakujavaŭ z budynka 15 rabočych. Paźniej siem ź ich źviarnulisia pa miedycynskuju dapamohu. Z dyjahnazam «inhalacyjnaje atručvańnie parami amijaku» jany byli dastaŭleny ŭ Babrujskuju centralnuju balnicu dla nazirańnia», — skazaŭ Navicki.
Pavodle jaho słoŭ,
va ŭsich zafiksavana lohkaja stupień atručvańnia parami amijaku.
«U 23 hadziny 14 chvilin 1 sakavika avaryja była likvidavana. Paśla hetaha supracoŭniki MNS praviali nieabchodnyja raboty pa asadžeńni paroŭ amijaku. U 1 hadzinu 20 chvilin rabota na trubapravodzie resiviera amijačna‑chaładzilnaj ustanoŭki miasakambinata była adnoŭlena», — adznačyŭ Navicki.
Jon paviedamiŭ, što ŭ momant paškodžańnia ŭ resiviery znachodziłasia try tony amijaku, a va ŭsioj ustanoŭcy — 30 ton. «Stvorana kamisija, jakaja rasśleduje pryčyny avaryi», — skazaŭ pres‑sakratar MNS.
