U 2009 hodzie kolkaść suicydaŭ u Biełarusi ŭzrasła na 20,7% u paraŭnańni z 2008 hodam.
Pra heta paviedamiŭ ministr achovy zdaroŭja Vasil Žarko 26 lutaha na kalehii Ministerstva achovy zdaroŭja ŭ Minsku.
Pavodle jaho słoŭ, na 100 tys. nasielnictva letaś prypadała 28,3 suicyda.
Bolš za ŭsio samahubstvaŭ — 75,8% — učyniena asobami pracazdolnaha ŭzrostu.
Jak zajaviŭ ministr, siońnia patrabujuć vyrašeńnia prablemnyja pytańni ŭ arhanizacyi i funkcyjanavańni słužb psichičnaha zdaroŭja. U pryvatnaści, u krainie adznačajecca deficyt padrychtavanych dla pracy ŭ hetych słužbach psichołahaŭ. Patrabujecca dalejšaje raźvićcio psichijatryčnaj i psichałahičnaj dapamohi, adznačyŭ Žarko. Pavodle jaho słoŭ, heta asabliva aktualna dla sielskich žycharoŭ.
Jak ličyć Žarko, naśpieła nieabchodnaść u raspracoŭcy novaj redakcyi zakona «Ab psichijatryčnaj dapamozie i harantyjach pravoŭ hramadzian pry jaje akazańni».
0
0
0
0
0
0
