Dziejańni biełaruskich uładaŭ suprać Sajuza palakaŭ Biełarusi adkinuli nazad adnosiny miž Jeŭrasajuzam i Biełaruśsiu, zajaviła viarchoŭnaja pradstaŭnica ES pa zamiežnych spravach i palitycy biaśpieki Ketryn Eštan napres-kanfierencyi pa vynikach pasiedžańnia Rady ministraŭ zamiežnych spravaŭ ES.
Pytańnie pra raźvićcio situacyi ŭ Biełarusi stała adnoj z temaj abmierkavańnia kiraŭnikami jeŭrapiejskich dypłamatyj.
«Hetyja padziei aznačajuć krok nazad u našych adnosinach», — padkreśliła Eštan, jakaja pačynaje svaju dziejnaść u jakaści kiraŭnicy dypłamatyčnaje słužby ES. Jana źviarnuła ŭvahu na tuju adkrytaść, ź jakoj Jeŭrasajuz zaanhažoŭvaŭ Biełaruś apošnim časam.
U toj ža čas, zaznačyła Eštan, Jeŭrasajuz nie razhladaje mahčymaść adnaŭleńnia sankcyj u dačynieńni da biełaruskaha kiraŭnictva ŭ suviazi ź ich dziejańniami ŭ dačynieńni da Sajuzu palakaŭ Biełarusi. «My nie abmiarkoŭvali sankcyjaŭ», — zajaviła Eštan.
Ketryn Eštan skazała, što spadziajecca sustrecca ź ministram zamiežnych spraŭ Biełarusi Siarhiejem Martynavym 25 lutaha ŭ Kijevie na inaŭhuracyi ŭkrainskaha prezidenta.
