Viadomy humaryst, akcior i hałoŭny režysior Minskaha teatra satyry i humaru «Chrystafor» Jaŭhien Kryžanoŭski vyłučany kandydatam u deputaty Minskaha haradskoha savieta deputataŭ ad Libieralna‑demakratyčnaj partyi (ŁDP).
Pavodle jaho słoŭ, 20 lutaha ŭ Minsku prajšła kanfierencyja ŁDP. «U joj uziali ŭdzieł bolš jak 200 čałaviek, jakija vyłučali kandydataŭ u deputaty. Ja vyłučany kandydatam u deputaty pa Centralnaj vybarčaj akruzie Minska», — skazaŭ Kryžanoŭski.
Jon zaznačyŭ, što ŁDP vyłučyła svaich kandydataŭ u deputaty praktyčna pa ŭsich akruhach stalicy.
Nahadajem, raniej ŁDP admoviłasia ad udziełu ŭ miascovych vybarach u piaci abłaściach Biełarusi. Partyja vyrašyła, što ŭ vybarach nie buduć brać udzieł Hrodzienskaja, Viciebskaja, Homielskaja, Mahiloŭskaja i Bresckaja abłasnyja arhanizacyi. Razam z tym »u intaresach budučaj prezidenckaj kampanii» ŁDP vyrašyła ŭziać udzieł u vybarach u miascovyja saviety «ŭ abmiežavanym składzie» ŭ Minskaj vobłaści i Minsku.
0
0
0
0
0
0
