Hramadski aktyvist z Horak Illa Zaranok daŭ tłumačeńni pa fakcie dasłanaj na jaho ananimki ŭ Mahiloŭskaj mižharnizonnaj prakuratury.
U 107 kabiniecie, kudy vyklikali Illu z nahody napisanaha nieviadomymi paklopu, jamu pakazali arkuš papiery farmatu,
U svaich tłumačeńniach hramadski aktyvist adznačyŭ, što nikoli nie bačyŭsia z vajenkamam, što mieŭ adterminoŭku na absalutna zakonnych asnovach — u suviazi z navučańniem u VNU, pra što maje ŭsie nieabchodnyja dla paćvierdžańnia dakumienty.
Akramia Zaranka danosčyki ŭ tym samym abvinavacili i inšaha maładziona — Illu Małanačkina, baćku jakoha niadaŭna horackija ŭłady pieraśledavali za raźmiaščeńnie na vulicy horada stenda ź Biblijami.
Na dumku Illi Zaranka, danos moža vykarystoŭvacca, kab zapałochać aktyŭnych žycharoŭ Horak napiaredadni miascovych vybaraŭ. Kab adbić achvotu bałatavacca, źbirać podpisy abo być naziralnikami.
Praktyka razhladu dziaržaŭnymi słužbami ananimak našturchoŭvaje na peŭnyja paraleli z trahičnymi padziejami biełaruskaj historyi pačatku minułaha stahodździa, kali z dapamohaj danosčykaŭ achviarami stalinskaha teroru stali tysiačy našych hramadzianaŭ. Tak, pradzied Illi byŭ chłuśliva abvinavačany ŭ zabojstvie čyrvonaha kamandzira Pahodzina z Horak, a prababula ŭ tym, što «łajała Stalina». Aboich paśla śmierci «pravadyra» reabilitavali.
