Biełaruskaja tenisistka Viktoryja Azaranka ŭźniałasia na 6-je miesca ŭ adzinočnym razradzie ŭ abnoŭlenym siońnia suśvietnym rejtynhu Žanočaj tenisnaj asacyjacyi (WTA). Heta paŭtor jaje rekordnaha dasiahnieńnia ŭ karjery, jakoje było zafiksavana ŭ kastryčniku 2009 hoda.
Za minuły tydzień dziakujučy vychadu ŭ čverćfinał Adkrytaha čempijanatu Aŭstralii 20-hadovaja biełaruska ŭźniałasia ŭ kłasifikacyi WTA na adzin radok, vyšturchnuŭšy z šaściorki najmacniejšych rasijanku Alenu Dziamienćjevu, jakaja apuściłasia z 5-ha radka na 7-y.
Na viaršyni suśvietnaha rejtynhu zastałasia amierykanka Sierena Uiljams,
užo piaty raz stała pieramožcaj Australian Open. Nahadajem, što ŭ dramatyčnym čverćfinalnym pajadynku mienavita Sierena Uiljams vybiła z baraćby biełarusku.
Całkam dziasiatka najmacniejšych tenisistak płaniety vyhladaje tak:
1. Sierena Uiljams (ZŠA) – 9195 bałaŭ
2. Dzinara Safina (Rasija) – 6480
3. Karalin Vaźniacki (Danija) – 5995
4. Śviatłana Kuźniacova (Rasija) – 5861
5. Vinus Uiljams (ZŠA) – 5526
6. Viktoryja Azaranka (Biełaruś) – 4960
7. Alena Dziamienćjeva (Rasija) – 4705
8. Alena Jankavič (Sierbija) – 3845
9. Ahnieška Radvańska (Polšča) – 3605
10. Li Na (Kitaj) - 3500.
U sakaviku 2009 hoda Viktoryja Azaranka ŭpieršyniu ŭ karjery prabiłasia ŭ dziesiatku najmacniejšych tenisistak śvietu i pratrymałasia ŭ joj da kanca minułaha siezona.
Raniej ź biełarusak u dziesiatku suśvietnaj kłasifikacyi ŭdavałasia prabivacca
tolki Natalli Źvieravaj, jakaja ŭ siaredzinie 1980-ch hadoŭ dabirałasia da 5-ha radka.
Ź inšych našych suajčyńnic u pieršuju sotniu ŭvachodzić tolki Volha Havarcova – 55-je miesca. U druhoj sotni jašče try biełaruski - Nastaśsia Jakimava (108), Darja Kustava (119) i Kaciaryna Dziehalevič (156).
Stanovišča ŭ pieršaj dziesiatcy čempijonskaj honki WTA novaha siezona, tut uličvajucca tolki dasiahnieńni 2010 hoda, takoje:
1. Sierena Uiljams (ZŠA) – 2320
2. Žuścin Enien (Bielhija) – 1600
3. Čžen Czia (Kitaj) – 970
4. Li Na (Kitaj) – 961
5. Viktoryja Azaranka (Biełaruś) - 700
6. Janina Vikmajer (Bielhija) – 620
7. Alena Dziamienćjeva (Rasija) – 570
7. Maryja Kirylenka – 570
9. Alena Bandarenka (Ukraina) – 560
10. Nadzieja Piatrova (Rasija) – 502.