Uviečary 24 studzienia ŭ vioscy Staradubavaja Hrodzienskaha rajona zahareŭsia žyły draŭlany dom.
Žyćcio jahonaha haspadara da pryjezdu pažarnikaŭ i chutkaj dapamohi vyratavali troje chłopčykaŭ.
Hulajučy na vulicy, 8‑hadovy Dzianis zaŭvažyŭ dym z susiedniaha doma. Pakul baćka małoha telefanavaŭ u słužbu vyratavańnia, jaho starejšyja braty pabiehli da pałajučaha budynka. Pavodle Hrodzienskaha abłasnoha ŭpraŭleńnia MNS , 12‑hadovy Uładź imhnienna praskočyŭ praz kuchniu ŭ pakoj, dzie i znajšoŭ haspadara doma. Razam sa starejšym na dva hady bratam Jaŭhienam jon vyciahnuŭ nieprytomnaha mužčynu na vulicu.
Ciapier vyratavalniki z abłasnoha ŭpraŭleńnia MNS dumajuć pra toje, jak uznaharodzić svaich junych «kaleh» za mužny ŭčynak.
Mierkavanaja pryčyna pažaru — vypadzieńnie vuhloŭ ź piečy na ryźzio.
0
0
0
0
0
0
