Mytnyja orhany Biełarusi adznačajuć uzmacnieńnie mytnaha kantrolu na biełaruska-rasijskaj miažy z boku Rasii. Pra heta na pres-kanfierencyi ŭ Minsku 23 studzienia zajaviŭ staršynia Dziaržaŭnaha mytnaha kamiteta (DMK) Biełarusi Alaksandr Špileŭski.
«Kolkaść supracoŭnikaŭ rasijskich mytnych orhanaŭ na miažy ź Biełaruśsiu pavialičana, u pryvatnaści, prykładna na 120 čałaviek Smalenskaj mytniaj.
U astatnich mytniach, što miažujuć ź Biełaruśsiu, kolkaść supracoŭnikaŭ taksama pavialičana», — skazaŭ kiraŭnik DMK.
Pavodle jaho słoŭ, rasijski bok heta robić pad markaj vynasu mytnaha afarmleńnia na źniešniuju miažu.
Špileŭski padkreśliŭ, što na hety momant uzmacnieńnie kantrolu vyjaŭlajecca tolki ŭ pavieličeńni kolkaści supracoŭnikaŭ rasijskich mytnych orhanaŭ.
Nahadajem, na naradzie 18 studzienia Alaksandr Łukašenka zajaviŭ, što zaniepakojeny infarmacyjaj pra uzmacnieńnie kantrolu na biełaruska-rasijskaj miažy.
«Nami stvorany Mytny sajuz z Rasijaj i Kazachstanam. Naściarožvaje infarmacyja, jakuju ja atrymlivaju pa biełaruska-rasijskaj miažy. Niahledziačy na našy damoŭlenaści, tam nibyta adbyvajecca niejkaje ŭzmacnieńnie kantrolu», — skazaŭ prezident.
19 studzienia staršynia Dziaržaŭnaha pahraničnaha kamiteta Ihar Račkoŭski paviedamiŭ, što pahrankamitet nakiravaŭ u Rasiju zapros ab stanie kantrolu na biełaruska-rasijskaj miažy.