Pra heta paviedamiła hałoŭny sinoptyk Respublikanskaha hidramieteacentra Volha Fiadotava.
«Ciapierašni studzień adroźnivajecca surovym noravam. U hetyja vychadnyja nadvorje ŭ krainie budzie znachodzicca pad uładaj chałodnaha skandynaŭskaha antycykłona arktyčnaha pachodžańnia. Śniehapadaŭ nie čakajecca, zatoje zachavajucca mocnyja marazy», ‑ raspaviała Volha Fiadotava.
Prykładam, u noč na niadzielu, 24 studzienia,tempieratura pavietra składzie 20‑27 hradusaŭ marozu. U niekatorych rajonach słupok termomietra apuścicca da minus 28 hradusaŭ. Dniom čakajecca 16‑23 hradusaŭ nižej, čym nul.
Nie źmienicca charaktar nadvorja i ŭ pačatku hetaha tydnia. Apadkaŭ nie čakajecca. Tolki na ŭschodzie krainy mahčymy nievialiki śnieh. Tempieratura pavietra pa‑raniejšamu zastaniecca nizkaj — nočču słupok
termomietra pakaža minus 20—27 hradusaŭ, miescami — da minus 30. Dniom čakajecca ad 15 da 23 hradusaŭ marozu.
Da siaredziny nastupnaha tydnia atmaśfierny cisk pačnie panižacca. Miescami pa krainie projdzie nievialiki śnieh. Tempieratura pavietra ŭnačy budzie minus 15—22 hradusy, pry prajaśnieńniach słupok termomietra apuścicca da minus 23‑28. Dniom čakajecca 12‑19 hradusaŭ marozu. U asobnych rajonach — minus 23 hradusy.
Pavodle Volhi Fiadotavaj, takija praciahłyja marazy ŭ studzieni byvajuć u Biełarusi raz u 20 hadoŭ. «Samaja nizkaja tempieratura, jakaja była zafiksavanaja ŭ našaj krainie, skłała minus 32 hradusy na paŭdniovym zachadzie, i minus 42 hradusa na paŭnočnym uschodzie.
U Minsku minusavy tempieraturny rekord — 39 hradusaŭ — byŭ zafiksavany ŭ 1940 hodzie», — raspaviała jana.
Jak paviedamiła hałoŭny sinoptyk Biełarusi, tempieratura pavietra ŭ studzieni na 5‑10 hradusaŭ nižej za klimatyčnuju normu. Čakajecca, što hetyja vychadnyja buduć chałodnyja normy na 10‑15 hradusaŭ.
