Fota: «Naša Niva»
Dziarždepartamient ZŠA, jaki raniej abviaściŭ novyja sankcyi suprać Minskaha zavoda kołavych ciahačoŭ (MZKC) i troch kitajskich kampanij za pieradaču rakietnych technałohij Pakistanu, zajaviŭ, što apošni nie staŭ spračacca i ŭspryniaŭ navinu spakojna.
«Absalutna nijakich roznahałośsiaŭ. Pakistan praciahvaje zastavacca adnym z našych samych važnych partnioraŭ u rehijonie, i my šmat supracoŭničajem ź jaho ŭradam dziela ŭmacavańnia našych tryvałych adnosin», — skazaŭ padčas pres-bryfinhu ŭ čaćvier hałoŭny namieśnik pres-sakratara Dziarždepa ZŠA Viedant Patel.
U toj ža čas, jak paviedamlaje vydańnie Islamabad Post, Pakistan ŭsio ž vykazaŭ ZŠA pretenzii «za biazdokaznaść abvinavačvańniaŭ i pieraškody zakonnamu handlu technałohijami kamiercyjna-hramadzianskaha pryznačeńnia».
Nahadajem, što, pavodle Dziarždepa ZŠA, MZKC pastaŭlaŭ śpiecyjalnyja šasi dla transpartnych srodkaŭ pakistanskaj prahramy dalokich balistyčnych rakiet, jakoj kiruje Minabarony Pakistana.
Čytajcie taksama:
Kanada paviedamiła pra novyja sankcyi suprać biełaruskaha režymu
