Ivan Cierciel. Skrynšot videa
Biełaruskija śpiecsłužby praduchilili ŭdary bieśpiłotnikaŭ z terytoryi Litvy pa abjektach u Minsku, zajaviŭ kiraŭnik KDB Ivan Cierciel na pasiadžeńni UNS u čaćvier.
«U Litvie i Polščy radykały vyrablajuć bajavyja drony dla naniasieńnia ŭdaraŭ pa krytyčna važnych abjektach na terytoryi Biełarusi», — zajaviŭ jon.
«Susiedniaja Litva stała miescam bazavańnia Vilenskaj charuhvy», dzie pad kiraŭnictvam «radykałaŭ» i «ŭ niepasrednym kantakcie ź litoŭskim paramilitarnym farmiravańniem «Kłub strałkoŭ» raspracoŭvajuć płany pa zachodzie dla ździajśnieńnia teraktaŭ na terytoryju prylehłych da Litvy Ašmianskaha, Smarhonskaha i Brasłaŭskaha rajonaŭ, pierakidcy i arhanizacyi ŭ Biełarusi schovanak sa zbrojaj, vybuchovymi rečyvami i inšymi srodkami», — skazaŭ Ivan Cierciel.
Pa słovach Cierciela, KDB u supracy z kalehami ź inšych struktur apošnim časam pravieŭ šerah mierapryjemstvaŭ, jaki «dazvoliŭ praduchilić naniasieńnie ŭdaraŭ bajavymi dronami z terytoryi Litvy pa abjektach u Minsku i jaho pryharadach».
«Detalovuju infarmacyju ahučvać hramadskaści pakul nie ŭjaŭlajecca mahčymym», — dadaŭ Cierciel.
Čytajcie taksama:
Łukašenka pryhraziŭ źjechaŭšym pieraśledam ich rodnych u Biełarusi
Jakim pamieram šryftu drukujuć Łukašenku dakład, kab jon bačyŭ litary FOTAFAKT
Łukašenka zajaviŭ, što bataljony ź Viciebska pierakinuli da zachodniaj miažy
