Fota: Kraj.by
Kinošniki šukajuć akcioraŭ druhoha płana, piša Kraj.by. Takaja infarmacyja apublikavanaja na maładziečanskich staronkach sacyjalnych sietak. Achvotnych zaprašajuć na roli minakoŭ roznych uzrostaŭ, a mužčyn — na roli supracoŭnikaŭ patrulna-pastavoj słužby.
Apłata za dzień — 35-40 rubloŭ.
Padziei ŭ filmie adbyvajucca ŭ našy dni. Karcinu zdymaje rasijski režysior Siarhiej Vinahradaŭ. Prajekt vyjhraŭ hrant u Ministerstvie kultury Rasii.
Zdymki filma zapłanavany na čyhunačnym vakzale na 11 krasavika. Hrafik ruchu ciahnikoŭ pa stancyi «Maładziečna» pry hetym nie źmienicca.
Pracoŭnaja nazva filma, jaki buduć zdymać, — «Harodnina». Stužka raskazvaje pra ślepahłuchoha Aleha. Los daje jamu šaniec pražyć tydzień poŭnaha žyćcia. Za hetyja siem dzion jon zhubicca ŭ miehapolisie, patrapić u łapy złačyncaŭ i vyrviecca ź ich, ździejśnić padarožža i sustrenie kachańnie.
Čytajcie taksama:
Dyrektara Muzyčnaha teatra, dzie syhrali «Pieramien», usio ž zvolnili
Vyjšaŭ praciah multsieryjała «Maryla. U pošukach dziŭnikaŭ»
«Dziuna: častka druhaja» — błakbastar, idealny da skryhatu ŭ zubach
Sieryjał «Režym»: Kiejt Uinślet u roli zvarjaciełaha despata
