Biełaruskija arnitołahi zaklikajuć u hetyja vychodnyja pakarmić ptušak i panazirać za imi.
Fota BIEŁTA
Hramadskaja arhanizacyja «Achova ptušak Baćkaŭščyny» (APB) 16‑17 studzienia praviadzie akcyju «Ptuški na karmušcy». Asnoŭnaja meta akcyi — nahadać žycharam krainy pra nieabchodnaść padkormlivać ptušak zimoj, a taksama pryciahnuć ich da vyrabu karmušak dla ptušak.
Arnitołahi sumiesna z prostymi amatarami pryrody zrobiać niekalki sotniaŭ karmušak dla ptušak i ŭstalujuć ich na drevach i staŭbach. U šmatlikich škołach buduć arhanizavanyja padkormačnyja placoŭki, dzie školniki zmohuć padkormlivać ptušak i nazirać za ich pavodzinami.
U hetyja dni APB prosić paličyć naviedvalnikaŭ karmušak i paviedamić pra vyniki svaich nazirańniaŭ. Siarod najbolš aktyŭnych udzielnikaŭ APB razyhraje palavyja binokli, pradstaŭlenyja «Yukon Advanced Optics» — raspracoŭščykam i vytvorcam dzionnych naziralnych pryboraŭ i pryboraŭ načnoha bačańnia.
Infarmacyju pra kolkaść i vidavy skład ptušak prapanoŭvajecca vysyłać na adras kaardynatara zimovaha ŭliku ptušak — Miadzielskaha rajonnaha adździaleńnia APB (222397, Minskaja vobłaść, h. Miadzieł, vuł. Leninskaja, 2) z paznakaj «Ptuški na karmušcy» abo adpravić sms na karotki numar 0841 (dastupna dla abanientaŭ MTS i velcom).
Vyniki ŭliku ptušak na karmuškach možna taksama paviedamić pa telefonie 8017‑2630130, dasłać pa e‑mail: [email protected] ci raźmiaścić na forumie sajta ptushki.org A taksama na sajcie birdwatch.by
