Zychodziačy z dekłaracyi Ihara Marzaluka, apublikavanaj u haziecie «Vieśnik Mahilova», hadavy dachod Marzaluka ŭ 2022 hodzie skłaŭ 104 393 rubli (pavodle tahačasnaha kursu pryblizna 39845 dalaraŭ), ci 8699 rubloŭ (3320 dalaraŭ) u miesiac. Heta vyhladaje našmat bolš, čym u inšych kalehaŭ, bo, jak raniej vyśvietliła «Lusterka», deputaty Pałaty pradstaŭnikoŭ u 2022 hodzie atrymlivali ad 4566 da 5706 rubloŭ (ad 1743 da 2178 dalaraŭ).
Deputat takoha ŭzroŭniu pavodle zakanadaŭstva nie maje prava sumiaščać deputackaje kresła ź inšaj pracaj (vyklučeńnie — navukovaja, tvorčaja i piedahahičnaja dziejnaść).
Najbolš vierahodna, što Marzaluk, jak były navukoviec i vykładčyk, maje lehalnyja dadatkovyja dachody. Tak, naprykład, jon uvachodzić u aŭtarskija kalektyvy padručnikaŭ, jakija rehularna pieravydajucca, a aŭtaram adpaviedna naličvajucca hanarary. Mahčyma taksama, što niešta moža pierapadać i za častyja vystupleńni na telebačańni.
Ź nieruchomaj majomaści Ihar Marzaluk maje dźvie kvatery. Adna ź ich u Minsku, ahulnaj płoščaj 74,5 kv. m, a druhaja — u Mahilovie, płoščaj u 62,8 «kvadrata».
Čytajcie taksama:
Marzaluka ŭsio ž pryznačyli deputatam. Prahnoz «NN» na vybary spraŭdziŭsia na 97%
My jeŭrapiejcy ci jeŭrazijcy? Marzaluk uzbałamuciŭ łukašysckija telehram-kanały
Marzaluk: My jeŭrapiejcy. Jeŭrazijstva — heta tryźnieńnie
Marzaluk zhienieravaŭ novuju ideju, jak udaskanalić zakanadaŭstva ab hienacydzie
