U Biełarusi možna kupić kacianiat za 3200 rubloŭ 3

Fota: baraholka.onliner.by

Na «Barachołcy» Onlíner jość abjava: pradajucca abisinskija kacianiaty (try dziaŭčynki) pa 3200 rubloŭ. Paviedamlajecca, što abisincy naradzilisia ŭ siertyfikavanym kłubnym hadavalniku Abimax u lutym, u novy dom mohuć źjechać u krasaviku. Čamu ž jany takija darahija?

— Heta nie tak užo i doraha za čystakroŭnaha abisinca, — rastłumačyŭ aŭtar abjavy Maksim. — Kacianiaty takoj parody možna znajści i za 500 rubloŭ, ale kali vy papytajecie ŭ pradaŭca dakumientalnyja dokazy čystakroŭnaści žyvioły, to zvyčajna akazvajecca, što paćvierdžańniaŭ niama. A ŭ nas usie dakumienty jość.

— Pradać ja mahu nie lubomu achvotnamu. Ja na mientalnym uzroŭni sprabuju adčuć čałavieka i zrazumieć, ci možna jamu addavać kaciania, ci niama ŭ pakupnika schilnaści da hvałtu. Taksama nie addam abisinca siamji, dzie jość zusim maleńkija dzieci, — raspavioŭ Maksim.

Bolš za toje, mužčyna prapisaŭ u damovie punkt ab tym, što, kali jon daviedajecca, što da ŭžo pradadzienaha kacianiaci ŭžyvajuć hvałt, pradaviec moža zabrać jaho ź siamji.

Čytajcie taksama:

Ekzatyčnyja kankurenty kocikaŭ. Jakich niezvyčajnych chatnich hadavancaŭ možna sustreć u biełaruskaj pravincyi

U tyktoku zachaplajucca minčukom, jaki jedzie ŭ mietro z trusikam. Ale nie ŭsio tak adnaznačna

U Kryžanoŭskaha zhubiłasia kotka. Navahodniuju noč jana praviała na vulicy

1

5

1

2

0

2

Nashaniva.com