Pra źjaŭleńnie ŭ prodažy pieršaj biełaruskaj łokšyny chutkaha pryhatavańnia «Łapšucha» z roznymi smakami paviedamiła ŭ sacsietkach jaje vytvorca — barysaŭskaja kampanija «Prianyj dom».
Kali vieryć vytvorcu, biełaruskaja łokšyna nie paŭtaraje impartnych anałahaŭ i maje naturalny smak za košt uklučeńnia suchich inhredyjentaŭ — kurynaha miasa, syru, cybuli i hryboŭ.
«Tak, vy pravilna pračytali, mienavita sušanaje na našaj vytvorčaści miasa (kurynaje file), sušany syr i smažanaja cybula z hrybami prosta z vytvorčaj patelni. Dumajem, takaja raznastajnaść zadavolić navat samaha patrabavalnaha hurmana», — adznačaje pres-słužba «Prianoho doma».
U liniejcy tavaraŭ maje być łokšyna «Kurynaja ź miasam», «Kurynaja vostraja ź miasam», «Hrybnaja», «Syrnaja», a taksama sa smakam «Kuryca».
Čytajcie taksama:
«Nu i chto ich kupić?» U biełaruskich kramach znajšli hryby pa 500 rubloŭ za kiło
U Biełarusi pačali vypuskać masła «hchi». Što heta takoje i čamu kaštuje 66,8 rubla za kh?
U biełaruskich kramach stanie mienš harełki i pładovych vinaŭ. Što zdaryłasia?
