Edhar Rynkievič. Bebeto Matthews / AP
Adnym z pryjarytetaŭ Rynkievič nazvaŭ umacavańnie ŭschodniaj miažy nie tolki ź Biełaruśsiu, ale i z Rasijaj.
Pa słovach prezidenta, uschodniaja miaža taksama pavinna być umacavana z hledzišča vajennaj infrastruktury, pakolki płot sam pa sabie nie abaronić ad surjoznaj vajennaj niebiaśpieki. «Płot pryznačany dla praduchileńnia hibrydnaj pahrozy», — ukazaŭ Rynkievič.
Jon dadaŭ, što sioleta nieabchodna pracavać nad ukaranieńniem sistemy hramadzianskaj abarony.
Rynkievič taksama źviarnuŭ uvahu na pieršačarhovuju važnaść pavieličeńnia finansavańnia sistemy ŭnutranych spraŭ.
Havoračy ab płanach na hety hod, prezident nie vyklučyŭ, što vyłučyć jakija-niebudź zakanadaŭčyja inicyjatyvy, adnak pakul nie staŭ raskryvać, jakija mienavita.
«Ja mahu tolki skazać, što budu dziejničać u ramkach troch pryjarytetaŭ, jakija ja adnojčy paznačyŭ u svaim vystupie ŭ Siejmie ŭ dzień inaŭhuracyi pry ŭstupleńni na pasadu — biaśpieka, adukacyja i kankurentazdolnaść», — rastłumačyŭ Rynkievič.
Čytajcie taksama:
Pošta Łatvii pačała ŭskryvać listy ź Biełarusi
U aŭtamabili, jaki prybyŭ u Łatviju ź Biełarusi, znajšli tajniki na dystancyjnym kiravańni
Ułady praciahnuli biaźviz dla žycharoŭ Litvy, Łatvii i Polščy
