Fota: Michel Euler / AP
Mižnarodny alimpijski kamitet apublikavaŭ infarmacyju adnosna dapuščanych na Alimpijskija Hulni 2024 hoda ŭ Paryžy niejtralnych spartsmienaŭ ź Biełarusi i Rasii.
Ciapier takich atletaŭ piać, tady jak raniej paviedamlałasia, što na AH pajeduć troje biełarusaŭ, piša «Sputnik».
«Siarod 4600 spartoŭcaŭ, jakija na hety momant prajšli kvalifikacyju, jość 11 indyvidualnych niejtralnych spartoŭcaŭ (piać ź biełaruskim pašpartam, šeść — z rasijskim)», — havorycca ŭ paviedamleńni MAK.
Pry hetym u arhanizacyi nie ŭdakładniajuć, u jakich mienavita vidach sportu biełarusy buduć pradstaŭlać našu krainu.
Taksama praciahvajucca kvalifikacyjnyja spabornictvy, na jakich možna zavajavać propusk na Alimpijadu.
U piatnicu 8 śniežnia Mižnarodny alimpijski kamitet prainfarmavaŭ, što atlety ź Biełarusi i Rasii dapuščanyja da ŭdziełu ŭ letnich Alimpijskich hulniach 2024 hoda, jakija projduć u Paryžy. U Francyju zmohuć pryjechać spartsmieny, jakija kvalifikavalisia ŭ svaich vidach sportu, vystupać jany buduć u niejtralnym statusie. Akramia taho, MAK praduhledzieŭ jašče niekalki ŭmoŭ, u tym liku zabaronu na demanstracyju dziaržaŭnaj simvoliki Biełarusi i RF i naviedvańnie hulniaŭ ich dziaržaŭnymi čynoŭnikami.
XXXIII Alimpijskija Hulni 2024 hoda zapłanavany ŭ Paryžy z 26 lipienia pa 11 žniŭnia.
Čytajcie taksama:
MAK dapuściŭ biełaruskich i rasijskich spartoŭcaŭ da Alimpijady-2024
Lohkaatletaŭ ź Biełarusi i Rasii na Alimpijadzie nie budzie — prezident World Athletics
NAK vitaŭ dopusk da Alimpijady, ale nazvaŭ jaho ŭmovy dyskryminacyjnymi
