U sieradu, 23 śniežnia, prajšli sudy nad Siarhiejem Androsienkam i Siarhiejem Pradziedam za akcyju ŭ abaronu asudžanych na śmierć hiejaŭ Irana.
Siarhiej Pradzied atrymaŭ štraf pamieram 10 bazavych vieličyń (350 tysiač rubloŭ) za ŭdzieł u niesankcyjanavanym pikiecie. Siarhiej Androsienka byŭ pryznany vinavatym u arhanizacyi hetaha mierapryjemstva i atrymaŭ štraf 25 bazavych vieličyń (825 tysiač rubloŭ).
«Ja ŭ šoku ad hetych ličbaŭ. Jak možna davać štrafy takich pamieraŭ — heta ž miesiačny zarobak. Usie spravy nie pavinny skončvacca takim čynam. Ja budu padavać kasacyjnuju skarhu, budu źviartacca ŭ kamitet pa pravach čałavieka AAN.
Heta nie tolki pakaža žorstkaść biełaruskaha zakanadaŭstva, ale i pryciahnie ŭvahu da prablemy śmiarotnaha pakarańnia za homaseksualnaść u Iranie».
Padčas sudu sa słovaŭ śviedki, achoŭnika ambasady, vyśvietliłasia, što 16 śniežnia ŭ časie akcyi chłopcy pieradali svaju pietycyju nie prosta supracoŭnikam,
a niepasredna ambasadaru Irana ŭ Biełarusi.
Tamu, niahledziačy na vialikija dla maładych ludziej ličby štrafaŭ, chłopcaŭ ciešyć, što akcyja była paśpiachovaj.
Nahadajem, što 16 śniežnia padčas akcyi ŭ abaronu asudžanych na śmierć hiejaŭ Irana byli zatrymany try aktyvisty ŁHBT ruchu. Na ich byli składzieny pratakoły i pryznačany sud na 23 śniežnia.Adnak supracoŭniki Savieckaha RUUSu pieradumali i asudzili Aleksandra Haharyna 17 śniežnia. Jon byŭ pryznany vinavatym va ŭdziele ŭ niesankcyjanavanym pikiecie i atrymaŭ štraf u try bazavyja vieličyni (105 tysiač). Sud nad Siarhiejem Pradziedam i Siarhiejem Androsienka adbyŭsia ŭ sieradu.
