Pa słovach aficyjnaha pradstaŭnika viedamstva Maryi Zacharavaj, ataka adbyłasia ŭviečary 26 kastryčnika. Zacharava śćviardžaje, što dron paškodziŭ ścieny składa. Jašče dva bieśpiłotniki, pa jejnych słovach, upali na kompleks administracyjnych budynkaŭ stancyi. Jana dadała, što ŭ dronach, jakija vykarystoŭvalisia dla napadu, «vykarystoŭvalisia kampanienty, pastaŭlenyja zachodnimi krainami».
Viečaram 26 kastryčnika Minabarony Rasii paviedamlała, što ŭkrainski bieśpiłotnik pierachopleny siłami SPA nad terytoryjaj Kurskaj vobłaści ŭ rajonie nasielenaha punkta Kurčataŭ. U hetym horadzie raźmieščana Kurskaja AES. U toj ža viečar Minabarony zajaviła pra pierachop i źniščeńnie jašče dvuch bieśpiłotnikaŭ nad Kurskaj vobłaściu.
Pres-słužba paviedamlała, što razbureńniaŭ i paciarpiełych niama.
