Chenk van Hielderen pakidaje svaju pasadu 14 studzienia 2010 hoda «ŭ suviazi z skančeńniem termina pracoŭnaha kantraktu.
Pra heta havorycca ŭ paviedamleńni kampanii. Jaho pierajemnikam stanie Alaksiej Čarniajeŭ, hienieralny dyrektar TAA «Abjadnanyja brovary Chajniekien» (Rasija).
Chenk van Hielderen byŭ pryznačany hienieralnym mieniedžeram Heineken ŭ Biełarusi 15 studzieni 2007 h. U kancy hoda niderłandski kancern Heineken NV aformiŭ ździełku pa nabyćci babrujskaj brovara «Siabar». Praz paŭhoda była zavieršana kompleksnaja madernizacyja zavoda. U lipieni 2008-ha ŭ skład hrupy taksama ŭvajšło SAAT «Rečycapiva», rekanstrukcyju jakoha płanujecca zaviaršyć u krasaviku 2010 hoda.
Pad kiraŭnictvam van Hielderena byŭ paśpiachova realizavany prajekt pa vyroščvańni vysakajakasnaha pivavarnaha jačmieniu ŭ Biełarusi. Važny akcent byŭ zrobleny na impartazamiaščeńnie. Na bazie «Siabra» była raspačataja licenzijnaja vytvorčaść troch mižnarodnych brendaŭ «Doktar Dyziel» Gosser i Zlaty Bažant. Pry hetym, na praciahu 2009 hoda abjom ekspartu kampanii vyras na 80%.
Razam z tym u ŭmovach, što skłalisia (kryzis, rekanstrukcyja zavoda h.d.), abjomy vytvorčaści i prodažaŭ źnizilisia. Adnak ambicyjnych płanaŭ uvajści ŭ trojku lepšych biełaruskich piŭzavodaŭ, napeŭna, nichto nie admianiaŭ.
