Wallet
Adna z samych viadomych prahram u svajoj katehoryi, Wallet dazvalaje nie tolki sačyć za prybytkami i vydatkami, ale i płanavać dalejšyja dziejańni sa svaim biudžetam. Tut možna vykarystoŭvać niekalki valut i sinchranizavać prahramu sa svaimi bankaŭskimi rachunkami — u biaspłatnaj viersii dastupnyja try rachunki.
Taksama Wallet daje mahčymaść rabić šabłony płaciažoŭ, u tym liku płanavanych. Takim čynam, prahrama dapamoža nie zabycca zapłacić tuju ž kamunałku. Jana daje mahčymaść uličyć u płanavańni kredyty, raźbivać płaciažy na roznyja katehoryi i stavić finansavyja mety dla nakapleńniaŭ. Tut ža jość kiravańnie pazykami.
Kali vy viedziacie biudžet ź siamjoj, siabrami ci kimści jašče, prahramaj možna karystacca razam. Jana dastupnaja na Android i iOS.
Monefy
Stylovaja prahrama z vydatnaj hrafikaj, karystacca jakoj adno zadavalnieńnie. Monefy daje mahčymaść uvodzić danyja pra vydatki za paru klikaŭ. Heta vielmi važna, bo takaja pracajomkaja sprava jak viadzieńnie biudžetu robicca krychu lahčejšaj. Jak i minułaja prahrama, Monefy dastupnaja dla karystańnia na niekalkich hadžetach, tak vy zmožacie sačyć za biudžetam razam ź inšymi členami siamji.
Dadatkovyja bonusy — ubudavany kalkulatar i sinchranizacyja praz ulikovy zapis na Google Drive ci Dropbox. Prahrama jość i na Android, i na iOS.
Spendee
U hetaj prahramy, akramia standartnaha fiksavańnia prybytkaŭ i vydatkaŭ, bahata cikavych funkcyj. Prahrama prapanuje hrafiki taho, jak źmianiajucca vašy vydatki, a taksama karysnyja insajty nakont vydatkaŭ i zdolnaści źbirać hrošy. Bolš drobnyja, ale taksama niebłahija funkcyi — ciomnaja tema (kab było zručna karystacca Spendee ŭ luby čas) i veb-viersija — raptam vam kamfortniej prahladać svoj biudžet na ekranie kampjutara?
A jašče Spendee prosta duža zručnaja tym, što jaje možna sinchranizavać z anłajn-bankam, elektronnym kašalkom (kštałtu Paypal) ci kryptakašalkom, kab u adnoj prahramie trymać uvieś biudžet. Spampavać prahramu dla Android možna tut, dla iOS — tut.
Bluecoins finansy i biudžet
Dla niekatorych karystalnikaŭ važna, kab finansavaja mabilnaja prahrama była minimalisckaj, bo nie ŭsie hatovyja raźbiracca ŭ składanych prahramach. Takim ludziam padydzie Bluecoins: u vodhukach pra jaje — sucelnyja kamplimienty tamu, što ŭ prahramy intuityŭna zrazumieły interfiejs.
Što da funkcyjanału, to jon standartny: fiksacyja prybytkaŭ i vydatkaŭ, analityka hrašovych patokaŭ, nazirańnie za kredytami i pazykami, a taksama inšyja karysnyja drobiazi. Voś spasyłka na prahramu dla Android, a tut — dla iOS.
«Zien-mani»
Heta adna z samych papularnych prahram dla ŭliku hrošaj. Tut možna składać płan vydatkaŭ i fiksavać ich, a analityka dapamoža ŭ ich razabracca. U «Zien-mani» jość statystyka vydatkaŭ za minułyja miesiacy, kab spłanavać ich naležnym čynam.
Fiška hetaj prahramy — ułasny telehram-bot. Jon nahadaje pra abaviazkovyja płaciažy, budzie dasyłać infarmacyju pra vaš finansavy status i papiaredžvać, kali niešta z vašymi finansami pojdzie nie tak. Spampoŭvajem prahramu dla Android tut, dla iOS — tut.
1Money
Jašče adna prostaja i jarkaja prahrama, jakaja padydzie tym, chto choča karystacca prostymi prahramami bieź ničoha lišniaha. Tut možna fiksavać toje, adkul da vas prychodziać hrošy i kudy jany traciacca, a kab usio było lohka zrazumieć, prahrama pakaža strukturu pastupleńniaŭ i vydatkaŭ na admysłovaj dyjahramie. Možna dadavać u 1Money kolki zaŭhodna katehoryj vydatkaŭ, tak što atrymajecca adlustravać usie mahčymyja traty.
Što asabliva pryjemna, płatny funkcyjanał u hetaj prahramie kaštuje nie daražej za 20 jeŭra. Ale dastupnaja jana tolki dla Android.
YNAB: Budgeting & Finance
Kali vam padydzie prahrama na anhlijskaj movie, to pasprabujcie hety varyjant. YNAB vielmi hnutkaja i daje mahčymaść vieści biudžet tak, jak vam zručna, taksama tut dobraja sistema płanavańnia vydatkaŭ.
Asobna adznačym, što YNAB — heta jašče i škoła viadzieńnia biudžetu ź vialikaj biblijatekaj karysnych resursaŭ pa temie. Praŭda, biaspłatnaj viersijaj prahramy možna karystacca tolki 34 dni. Kali vas nie pužaje apłata, prahramu dla Android možna spampavać tut, dla iOS — tut.
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»Čytajcie taksama:
«My maładyja, chočacca pahulać». Biełarusy raskazali, na jakija zarobki žyvuć i na što ich traciać
Biełarus ukłaŭ volnyja 5000 dalaraŭ u akcyi. Što stała z hrašyma praz 1,5 hoda
Biudžetu raspracoŭščykaŭ dakładna dapamohuć)