Cichanoŭskaja, Viačorka i Azaraŭ na kanfierencyi «Novaja Biełaruś». Fota: fejsbuk Siarhieja Padsasonnaha
Na kanfierencyi «Novaja Biełaruś», jakaja niadaŭna prajšła ŭ Varšavie, Alaksandra Azarava vyzvalili ad pasady pradstaŭnika Abjadnanaha pierachodnaha kabinieta pa adnaŭleńni pravaparadku i zakonnaści. Hučnaja adstaŭka abmiarkoŭvałasia ŭ sacyjalnych sietkach, ale nieŭzabavie hramadskaść pieraklučyłasia na inšuju cikavuju detal — žoŭtyja škarpetki palityka, jaki trapiŭ u niamiłaść. Piša Kaciaryna Hardziejeva.
Jarkija škarpetki — svojeasablivy trend u śviecie aficyjnaj mody. Palityki i biznesmieny, jakija zhodna z abaviazkam słužby vymušanyja prytrymlivacca kansiervatyŭnaha stylu, znachodziać prastoru dla tvorčaści ŭ detalach — halštukach, nahrudnych nasoŭkach i, viadoma, škarpetkach.
Sienatar Cim Skot. Fota: Official White house photo
Samy viadomy amatar spałučeńnia jarkich vyrabaŭ sa strohimi kaściumami — premjer-ministr Kanady Džaścin Trudo. Pry vybary škarpetak kanadski dziejač kirujecca idejaj «čym jarčej, tym lepš» i śmieła dapaŭniaje imi aficyjnyja łuki.
Fota: instrahram Džaścina Trudo
Takoje svavolstva ihraje na ruku Trudo: kreatyŭny padychod da stylu dapamahaje palityku stvaryć lohki i vielmi čałaviečny vobraz, a taksama tranślavać schavanyja mesedžy.
Fota: instrahram Džaścina Trudo
Tak, 25 červienia 2017 hoda premjer-ministr naviedaŭ hiej-parad, jaki prachodziŭ u Taronta. U toj dzień harnitur palityka dapaŭniali škarpetki ŭ viasiołkavych kolerach ŁHBT-ściaha, upryhožanyja adnoj cikavaj detallu. Kali pryhledziecca da ich, možna było zaŭvažyć arabski nadpis «Id mubarak». Hetaja fraza niasie važny sens dla musulman — zvyčajna jaje havorać u śviata zaviaršeńnia śviatoha miesiaca Ramadan. Pa źbiehu akaličnaściaŭ mienavita jano vypała na dzień praviadzieńnia prajdu.
Takim łukam Džaścin Trudo chacieŭ prademanstravać łajalnaść da dźviuch važnych hrup, jakija jość u kanadskim hramadstvie, a taksama padtrymać miascovaha vytvorcu škarpetak — kampaniju Halal Socks.
Što nie tak sa škarpetkami Azarava?
Biełaruski dziejač Alaksandr Azaraŭ vyrašyŭ praciahnuć zapaminalny trend i pryjšoŭ na aficyjnuju kanfierencyju ŭ jarka-žoŭtych škarpetkach. Ale kali da abranaha adcieńnia nijakich zaŭvah być nie moža — hety koler całkam darečny dla mierapryjemstvaŭ z takim uzroŭniem kansiervatyŭnaści, — to daŭžynia vyklikaje peŭnyja pytańni.
Fota: «Biełsat»
Reč u tym, što aficyjny dres-kod patrabuje niaŭchilna prytrymlivacca niekatorych praviłaŭ.
Adno ź ich — škarpetki pavinny być takoj daŭžyni, kab całkam zakryvać nahu. Karotkija ličacca spartovymi i padychodziać vyklučna dla vobrazaŭ u styli kežuał, sport ci sport-šyk i nikoli nie nadziavajucca ŭ spałučeńni sa strohimi harniturami i kłasičnymi tuflami.
Śmieła nasicie kalarovyja škarpetki, ale pamiatajcie pra hetaje praviła.
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»Čytajcie taksama:
Znajdzicie 10 adroźnieńniaŭ. U letniaj kalekcyi «Elemy» zaŭvažyli płahijat
Piać rečaŭ, jakija psujuć luby vobraz
Jakija kolery buduć aktualnyja hetaj vosieńniu. Instytut Pantone vyznačyŭ hałoŭnyja adcieńni siezona
