Na ahrakambinacie «Zara» prajšoŭ kastynh siarod karoŭ pradpryjemstva. Skryn videa
Padčas adboračnych turaŭ u rehijonach śpiecyjalistam davodzicca adhladać sotni pretendentak. Vybrać hałoŭnuju krasuniu nie tak prosta, raspaviadajuć karespandenty.
Na ahrakambinacie «Zara» vybrali dźviuch karoŭ: adna Afradyta, druhaja — Vieniera. Jany pieramožcy mahiloŭskaha tura.
Kab vybrać najlepšych, śpiecyjalisty plempradpryjemstva tolki ŭ hetaj haspadarcy praviali kastynh siarod šaści sotniaŭ karoŭ — to nohi karotkija, to vymia nie toj formy.
«Piarednija cycki pryhožyja, a zadnija — nie. Zadnija zbližanyja, nie pojdzie na vystavu, davajcie nastupnuju», — ahladajuć pretendentak na fiermie.
Spačatku vybirajuć supracoŭniki fiermy, ale heta nie kančatkova — potym jašče idzie adbor.
Karoŭ čakaje mnostva «SPA-pracedur», «piedykiur, manikiur — usio, što naležyć da vystavy».
Ale Vieniera i Afradyta — nie tolki pryhažuni. U dzień jany dajuć bolš za 40 litraŭ małaka, u hod — bolš za 10 tysiač. Heta amal u dva razy bolš, čym zvyčajnyja karovy, raspaviadajuć śpiecyjalisty pradpryjemstva.
Vienieru i Afradytu možna pabačyć 7 červienia na vystavie «Biełahra».
Čytajcie taksama:
U Dziarždumie RF prapanavali adpraŭlać badziažnych sabak na vajnu
