Skrynšot videa źbićcia
Na videa bačna, jak trenier pa dziudo i samba, bronzavy pryzior Druhich Jeŭrapiejskich hulniaŭ u Minsku Miechman Chaliłaŭ samym žorstkim čynam abychodzicca z 7-hadovym padapiečnym Farydam (u tym liku šturchaje jaho i ciahaje za vałasy), faktyčna źbivaje dzicia da śmierci.
Chaliłaŭ užyŭ suprać chłopčyka hruby i niebiaśpiečny pryjom, u vyniku čaho złamaŭ dziciaci šyjnyja pazvanki. Chłopčyk byŭ dastaŭleny ŭ dziciačuju balnicu horada, dzie paśla pamior…
Zaviedziena kryminalnaja sprava («Naŭmysnaje pryčynieńnie ciažkaj škody zdaroŭju, što paciahnuła pa nieaściarožnaści śmierć paciarpiełaha»). Miechman Chaliłaŭ zatrymany.
Chaliłaŭ zavajavaŭ bronzavy miedal u spabornictvach pa samba na II Jeŭrapiejskich hulniach, jakija prajšli ŭ Minsku ŭ 2019 hodzie. Jon taksama demanstravaŭ vysokija vyniki na inšych miascovych i mižnarodnych spabornictvach.
Čytać taksama:
Imia Piele ŭklučyli ŭ słoŭnik partuhalskaj movy jak sinomim słova «najlepšy»
